JEREMIAH 1:11 - Cho Bible Common Language 2016

¹¹ Bawipa naw na ng’shik ci, “Jeremiah, a i ang na hmuh?” Kei naw m’shang ne, “Amon sing ban ka hmuk ci nei” ka cik ci.

JEREMIAH 1:11 Referans Kwoze

AMOS 7:8

Ani naw, “Amos, a i ang na hmuh?” cine na ng’shik ci. “Nüt nak gui nei” cine ka m’hlan ci. Cun kawn ah ani naw, “Gui awn kä nüt ne cawh ah paang ah mäih ah ka chang gui ami kyak cu m’dang vai ah kei naw shin cu ka mang ci nei. M’kyuk nak gui vai ung kei naw ka m’lung kä ka m’thawng ba khai.

AMOS 8:2

Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.

ZEKHARIAH 5:2

Khanchang naw a i ka hmuh cu na ng’shi khäta, kei naw, “Ca k’tom cu khawkhi ung yawng ci; cun cu ayun dawng m’ku, akdang dawng gha lawk ci.”

ZEKHARIAH 4:2

“A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.

JEREMIAH 24:3

Cun awn ah Bawipa naw na pyen nak ci, “Jeremiah, A i ang na hmuh? Kei naw ka m’hlan ci, “Thei gui ka hmuk ci, akni gui cu anghtei ah nik ci gui, akshe gui cu anghtei ah shek ci gui, ei vai ah kä ni aih ci.”

KHEI NAK 17:8

A ngawi ung Moses cu Phung ah hteit neta, Levit pakhui ah chaw Aaron ah ng’shopawng cu lim law sei hmuk ci. Shopawng cu m’guh ne, pai ne, theih sei hmuk ci.

EZEKIEL 7:10

Israel ah phäh ah leigai a gawk law nak ah hnüüp cu gawk lawk ci nei. Kiawi m’saa nak cu däm ng’ghaw ci nei. Chang ah ng’shei nak cu hlüng pikbäih ci nei.

ATÜNNAK 30:37

A hnawk ng’kying ciah m’vaang, kegäk, la keih sing gui ah ang ban gui cu shui ne a bawk la ang kying ah ng’thaai khai ah m’gün ne a hnawk gui cu khawk neta,

ISAIAH 55:11

A cun ah mäih ah kei ah ka pyen ah ng’thu cu kyak khai nei — kei naw ka pawng püi cu bi vai ah cun cu kä shum khai; kei naw bi vai ah ka tüih law päng cu, a cun naw bik khai.

EZEKIEL 12:25

Kei, Bawipa naw ka ng’thu püi gui khai, kei ah pyen ah mäih ah bi vai. Shokshü nak kä om ba khai. Nami mät ah ghin yah ung nangmi cu name hnung tuk ci. Kei naw ka bik khai ah pyen ne ka ning k’bäi gui ah mäih ah kei naw ka bik khai. Kei naw ka pyen nei, cine uktu Bawipa naw pyen ci.

EZEKIEL 12:28

Cun ah kyasei kei, utu Bawipa naw ka pyen cu m’thein gui ä: Cun kawn ah shushü nak kä om ba khai. Kei naw ka pyen phung cu bi vai nei. Kei, Uktu Bawipa naw ka pyen nei!”