JEREMIAH 1:1 - Cho Bible Common Language 2016

¹ Shin ah ca-uk cu Hilkiah ah hta Jeremiah ah thu pyen guk ah kyak ci, ani cu Benjamin khopäng, Anathoth gawnu ung taigü tumat ah kyak ci.

JEREMIAH 1:1 Referans Kwoze

EZEKIEL 1:3

A cu ah Babilonia khaw Chebar Tuinu pei ah, kei cu Bawipa naw na ng’thu püi sei ka ng’yak ci, ani ah huham ka gah ci.

JEREMIAH 11:21

Anathoth chang gui naw kei cu na ngawn hlük ci gui, kei naw Bawipa ah ng’thu k’pang ne ka ng’shäu ah a kyak ung, na ngawn khai gui ah pyen ci gui.

2 SHONTÄP NAK 36:21

Cun ah kyasei cun cu Bawipa naw prophet Jeremiah ung ng’cängbang nak a pyen ah kümbe nak ah kyak ci: “Kho ng’lei cu khokum chih kip ung shiü khai nei, cun cu kyiin hnüüp ung düm vaisü te, kä bi ah phäh ah kyak khai nei.

1 SHONTÄP NAK 6:60

Benjamin khopäng ung shin ah gawnn gui la ami khulim khaw gui phi gah ci gui: Keba, Alemeth, la Anathoth. Cun ah kyasei ami kyongchang avan naw ami om nak vai ah avan angdawn pigaw gha lei thum pe gui ci gui.

AMOS 7:10

Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

ISAIAH 1:1

Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

ISAIAH 2:1

Shin cu khawpughi naw Amoz ah hta Isaiah am a pek at Judah la Jerusalem ah a mawng ng’thu ah kyak ci:

MATTHE 2:17

Cun cu profet Jeremiah ah ng’thu pyein a khüm nak ah kyak ci. Ani ah ng’thu pyein cu:

MATTHE 16:14

Ang düihpüi gui naw, “Chang amshah naw ‘Tuihnim Johan’ cik ci, amshah naw, ‘Elijah’ cik ci, amshah naw Jeramaih kä cun ung profet ah kyak khai,’ cine pyein ci gui nei,” cik ci gui.

MATTHE 27:9

Cun cu profet Jeremiah naw, “Israel chang gui naw ani ah phu nei cine ami k’bäi ah mäih ah tangka thum-kip cu la u netah,

1 GHANGPUGHANG GUI 2:26

Cun kawn ah Solomon ghangpughang naw taigü Abiatha a pyen nak cu, “Anathoth, na khaw ah hteit ba ä. Nang cu na si khin te ci, cun ung phi tuhbäi sih nak kä ka ning pek khai, kapa David ah pei ah na om sangung nang cu Bawipa ah Thukhän M’küm ngäng ciah na kyak ci, ani ah yaica nak avan cu na awt püt ciah kyak ci.”

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

2 SHONTÄP NAK 36:12

Ani naw Bawipa hnungtuk püi ne katnak bi ne, Bawipa ah ng’thu pyen ciah prophet Jeremiah ah ng’thu cu m’lung neim nak awn kä ngai ci.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

ISAIAH 10:30

Kallim chang gui m’lau vä! Laishah chang gui ngai vä! Anathoh chang gui naw m’shang vä!

JEREMIAH 29:27

Prophet ah kya ne chang gui am ng’thu pyen ciah Anathoth ah kaa Jeremiah ah khan ah a i ah kyasei shin ah mäih ah kä nami bi ang?

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

JEREMIAH 30:1

Bawipa, Israel Khanpughi naw,

JEREMIAH 37:12

Cun ah kyasei tün ne Jerusalem nawng shüt ne Benjamin khopäng ah hteit ne ka kyong khui khawh cu ka ng’pai tuk khai ah kyak ci.