JAMES 5:8 - Cho Bible Common Language 2016

⁸ Nangmi phi hnimgei ne nami om vai nei. Nami ngaih u nak cu khäng htek sä, Bawipa a kyum law nak vai ah hnüüp ng’et lawk ci nei.

JAMES 5:8 Referans Kwoze

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

PHILIPPIAN 4:5

Nami hniphnoi ng’awi ng’gi nak cu chang avan am hmuh sak vä. Bawipa a kyum law nak vai ng’et law pyi ci nei.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

THU PHLAAN 22:20

Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

2 THESSALONIAN 3:5

Khanpughi ah am hni nak nami hmuhmat law pi vai la Bawi Khrit ah a kyum law nak ba vai m’lung sau awn nami ngäng nak vai ah Bawipa naw nangmi cu lam ning m’shüm gui sä.

ROMAN 8:25

Mikmi naw kä mi hmuh cu m’lung üp ne mi ngaih u ne, hnimgei nak awn mi ngäng ci.

SAM 130:5

Bawipa ah m’htei nak cu kei naw k’tha na ne, ka ging ci, ang thu ung ka zumhtek ci.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

ATÜNNAK 49:18

Na hun nak cu ka ging ci nei, Bawipa.

EZEKIEL 7:12

Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.

LUKA 21:19

Akhäng htek ah nami ng’düih vai, cun ung hun phiawn nak nami gah khai.

JOHAN 21:22

Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.

1 THESSALONIAN 2:19

Bawipa Jesuh a kyum law ba hnüüp ung, Bawipa ah ma ah nangmi ah mawng näng nak bäng pyein ne keimi kami ng’düng nak vai om ci. Cun kawn ah nangmi cu chang a hei gui ah kä nami ng’neim pi ci, nangmi cu keimi ah ngaih u nak la längtang nak ah nami kyak ci.

JAMES 5:3

Nami ghui ngui gui ung phi hnai kai pyi ci nei, cun ah hnai cu nangmi ning hnu ng’tuk püi gui ciah saksi ah kya ne, nami sa cu mei ah uih ah mäih ah ui ne, ning ei gui khai nei. Shin ah ak hnu bäih ah hnüüp gui ung nang mi cu, m’cun m’hnai ne, bühmang vai nami tha na ba ci maa?