JAMES 5:7 - Cho Bible Common Language 2016

⁷ Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

JAMES 5:7 Referans Kwoze

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

THULÄÄN NAK 11:14

Cun ah na bi ah a kyak ung ani naw na khaw ung khotui a hlü yah ung khaw yuk aa law sak khai, hting khaw htui khaw ung phi, cun ah kyasei nangmi ah hmawk ah htang, sapyit la oliv situi cu da khai.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

HEBRU 6:15

Abraham cu hniimgei ne om ne, Khanpughi ah shaitaak cu gah ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

KALATIAN 5:5

Keimi läi cu, kami yum nak ung hlüngtai ciah Khanpughi ah Mumcha ah bi nak awn, Khanpughi ung düng nak cu gah vai ah kami ngaih u ci.

JEREMIAH 5:24

Htui kho k’aa, ling kho k’aa ning pe gui ne, akum tä sei geit khäm nak vai ah khin ning pe gui ngä sei phi, kei naw m’tamkhah vai cu kä nami ngaih-tüh ci.

1 THESSALONIAN 2:19

Bawipa Jesuh a kyum law ba hnüüp ung, Bawipa ah ma ah nangmi ah mawng näng nak bäng pyein ne keimi kami ng’düng nak vai om ci. Cun kawn ah nangmi cu chang a hei gui ah kä nami ng’neim pi ci, nangmi cu keimi ah ngaih u nak la längtang nak ah nami kyak ci.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

MATTHE 24:27

Hnilaw ungka naw hni kiaak ung khüt khai ah khankho mik avan deikhang sak ciah kholailäp ah mäih ah chang ah Htapa cu kyum lawk khai nei.

ROMAN 15:4

Cacim ung ami guk phung cu mikmi ami nam theithang nak gui ah kyak ci. Cun ah ami guk ah mawng cu, mikmi naw cacim ah na peit gui ah hnimgei nak la k’thamah nak awn m’lung üp ngaih gep nak a om vai ah hmawk ah kyak ci.

ZEKHARIAH 10:1

Khawhtui khaw ah khaw aa khai ah Bawipa ah ng’yoi vä. Bawipa naw khaw k’aa ng’mei gui awn khaw aa sak sei, chang van ah hmawk ah lolai gui m’kim ne nik ci.

2 PETER 3:4

“Ani lawk khai ah shaitak ci, kä law ne ma? A hawi ang ani? Kami pupa gui cu si yawp pyi ci gui, cun ung phi a päng avan cu, khomdek ang tüi law sang ungka ah mäih bä ah om ci gui nei,” ci ne ning kyak na gui khai gui.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

1 KORIN 1:7

Cun ah kya sei nangmi naw Bawi Khrit Jesuh a kyum law vai cu nami gin yah ung, nangmi naw kä nami gah tu ah hriham cu a i kä om khai.

LUKA 21:27

Cun kawn ah küikyang ciah hlüngtai nak la bämang nak awn be ne, ng’mei bawk ung ng’cum ne lawk ciah chang ah Htapa cu nami hmuk khai.

LUKA 18:8

Bawipa naw ang ghit ah ng’düng khai ah m’khoichaa pe gui khai nei. Cun ung phi chang ah Htapa a law ba ung khomdek khan ah yumnak cu hmuk khai ang” cik ci.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

JOHAN 21:22

Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.

JOHAN 21:23

Cun ah kyasei, ‘Cun ah ang düihpüi cu kä si hlawt khai’ ciah Bawipa Jesuh ah ang düihpüi gui ami van ung ng’thu yat ci. Cun ung phi Bawipa Jesuh naw ani kä sik khai ah a pyein ah kä kyak ci, “Kei ka law ba güt ani ghing ne a om vai ah, kei naw kang yak hlü ung phi, nang naw na pyein vai kä om ci” a ciah kyak ci.

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

JAMES 5:3

Nami ghui ngui gui ung phi hnai kai pyi ci nei, cun ah hnai cu nangmi ning hnu ng’tuk püi gui ciah saksi ah kya ne, nami sa cu mei ah uih ah mäih ah ui ne, ning ei gui khai nei. Shin ah ak hnu bäih ah hnüüp gui ung nang mi cu, m’cun m’hnai ne, bühmang vai nami tha na ba ci maa?

JAMES 5:10

Ka phäinau gui aw, Bawipa ah ming awn thu pyein man ci gui ah profet gui cu shüm ba gui vä. Zaica geinvai nak a gawk law ung, hnimgei ne ami khüighaat nak cu nami thei tu vai nei.