JAMES 5:6 - Cho Bible Common Language 2016

⁶ Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

JAMES 5:6 Referans Kwoze

JAMES 4:2

Nangmi cu nami ng’yak hlü phung kä gah hlawt u netah chang nami ngawn ge khai ah nami pawng ci. Nami ng’yak hlü aih cu kä nami gah law ah a kyak ung ng’tuk nami ghüh ci, ng’vook nami lup ci. Nami ng’yak hlü kä nami gah ah mawng cu, Khanpughi ah kä nami ng’yoih ah hmawk ah kyak ci.

LAMKTU 8:32

“Ngawn vai ami hteh püi ah Htome hta ah mäih ah ani cu hteh püi ci gui. Amu ami k’teiü peit ung ak’aw käm hluh law neh om ciah Htome hta ah mäih ah, ani cu ak’aw käm hluh law ah om ci.

MATTHE 5:39

Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

LAMKTU 22:14

Aninias naw, “Nang cu mi pupa gui ah Khanpughi naw a ng’yaak hlü na hmat vai, düng ciah ak changshäm na hmuh vai la acun ah Bawi ah thu k’aw na ng’yaak vai ah hmawk ah ning ghü pyi ci nei.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

MATTHE 27:20

Taigüpa gui la aming vai gui naw, “Barabbas cu k’phiawn ne Jesuh cu ngawn vä” cine ami m’lau vai ah, chang gui cu m’cäi gui ci gui.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

1 PETER 4:18

Cacim Theing ung, “Chang k’ni gui hngaw hun nak ami gah vai ah A khak ah a kyak ung, Khanpughi kä hmat ciah chang shekha gui cu, A i ah kyak khai gui ang?” ciah om ci.