JAMES 5:4 - Cho Bible Common Language 2016

⁴ Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

JAMES 5:4 Referans Kwoze

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

JEREMIAH 22:13

Kä taga ciah lam awn a im co ne, kä ng’düng ciah lam awn m’shawng kau ne, chang gui alä ah täk phan gui ne, ng’cheng phi kä pe gui ciah chang cu, ng’ziin nak om ci.

ROMAN 9:29

Cun kawn ah Isaiah naw, “Hlüngtai pi k’bäih ciah Khanpughi naw, mi pakhui kä a maih vai ah mi hta ng’shon gui cu kä a nam gein gui vaisü ung, mikmi cu Sodom la Komorrah ah mäih ah mi kyak khai süte,” cine a pyein ah mäih ah kyak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

PHYAWN NAK 22:27

A i ah kyasei ci ung, ani ung oh sei ang khuih vai a cun bäng om ciah kyak ci. A i ng’khuih ne ani ip hlawt khai aw? Ani naw ka m’htei vai ah a kyah ah a kyak ung, kei naw ka m’shang khai, a i ah kyasei ci ung kei cu m’gein ciah ka kyak ci.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

JOB 34:28

Ngami naw dukhaih ci gui cu Khanpughi ah ma ah kyah m’lau sak u sei, M’htei gui vai ami ng’khü cu ani naw ng’yak ci.

PHYAWN NAK 3:9

Ka chang gui ah kyah cu akcang ah ka ng’yak ci, Egypt chang gui naw a i hlawk ah ami shedam nak gui phi ka hmuk ci.

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

KOLOSE 4:1

Bawi gui aw, nami changshäm gui cu nami täkphan nak ung hmai kiang nak la düng nak om sä. Nami mät phi khankho ah nami Bawi a om cu nami shüm ba vai nei.

HABAKKUK 2:11

K’paang ungka lung gui naw ning kyap ne ning hnungtuk püi gui sei, ng’lawng dang piang ci gui ah kyah shalawng ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

THULÄÄN NAK 15:9

A i baw chang am k’pu tu vai ah kä nami maa en vai. A i ah kyasei ci ung chang am k’pu nawng pek nak vai ah kho kum cu ng’et lawk ci nei. Shin ah mäih ak she ah ngaih-tüh nak nam lung kyong ung kä na luh en sak vai nei. Chang am k’pu tu vai ah na maa ah a kyak ung ani cu Bawipa ah kyap ne ng’pa ne, nang ning hnungtuk püi khai nei, cun ung nang cu katnak na bik ciah kyak khai.

ISAIAH 5:9

M’gäi ciah Bawipa ah thu pyen cu kei naw ka ng’yak ci, “Shin ah im m’kawm im k’ni gui avan cu ghawng ne di khai.

MATTHE 9:37

Cun ah kyasei Bawipa Jesuh naw, “Khäm vai htangmguh da pang sei phi, khäm ciah chang gui cu ken aih ci gui.

JOB 7:2

Gei ciah ang hnim nak shui ciah hlei htein mäih, ang cheng vai ngäng ciah bii k’bi ah mäih ah kyak ci.