JAMES 5:2 - Cho Bible Common Language 2016

² Nami bühmang nak cu hoce pyi ci nei, nami suisak gui phi ca naw ei yawp pyi ci nei.

JAMES 5:2 Referans Kwoze

JOB 13:28

Akhnu ah kei cu sing k’thu ah mäih ah ka ng’pyäuh ci, m’kiit ah ei ah mäih ah ka kyak ci.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

ISAIAH 50:9

Uktu Bawipa amät naw na shungshet ci nei — kei nakbün ci gui ami van maih khai gui nei; Ngami cu m’kyiit naw a ei ah suisak ah mäih ah kholä khai gui nei.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

SAM 39:11

Chang ah katnak cu züigen ne, na m’kat ci, Am hni gui cu m’hu ah mäih ah na m’di ci. Ak cang ah chang cu khokhi häi hlawk ah phi kä kyak ci!

HOSEA 5:12

Kei naw Israel gui ah dishum nak vai la Judah chang gui ah dishum nak vai cu ka law püi khai nei.

JAMES 2:2

A vaisü ah nami ng’bum nak ung, bühmang ciah chang tumat cu ghui shawi awi ne sui k’ni sui ne law tuk khai; pyamtham ciah chang tumat cu, sui she sui ne law tuk khai;