JAMES 5:19 - Cho Bible Common Language 2016

¹⁹ Ka phainau gui aw, nangmi ungka chang tumat cu, thudüng nawng ne lam hma khätah, a hei tumat naw lam düng ung a khü law tu ba ah a kyak ung;

JAMES 5:19 Referans Kwoze

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

MATTHE 18:15

Na phäi nau naw a ning katnak ung, katnak am dang thei vai ah a om nak ah na hteh vai. Nani mät ng’hmu ni ne na ning lak mah nak cu naning ge nak vai. Na thu ang ngaih ung naning gei ba khai.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

EZEKIEL 34:4

Nangmi naw aktha ken ci kä nami m’htei ci, gaw ci kä nami gai sak ci, leim ci kä nami hlawp ci, lam hma ci gui kä nami law püi ba ci, maih ci gui kä nami shui ba ci. Cun nak vaisü ung nangmi naw akshe ah nami om püi gui ci.

ISAIAH 3:12

Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

1 TIMOTHI 6:21

Chang amshah gui cu hmuhmat ci gui ah ami ngaih nak awn, yum nak ah lam cu hma ci gui nei. Nami van ah khan ah Khanpughi ah chimgein nak om sä.

NG'THU K'THUUK~ 19:27

Ka hta aw, ng’theithang nak na nawng ah a kyak ung, na hmat pyi gui cu na nawng ciah kyak khai.

SAM 119:118

Na thukhän kä läk ci phung cu nang naw na hnu ng’tuk püi ci; ngami ah thuvi nak cu a kholä ah kyak ci nei.

SAM 119:21

Nang naw chang ah ng’shei cicu k’she na ne, na thumkhän kä läk cicu na plah tam ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

JAMES 3:14

Cun ung phi nami m’lung kyong ah m’thüikhang nak, khaa nak, m’yawmhau nak gui om khätah nami cüivai nak awn nami khähghah ah a kyak ung, thudüng cu nami hnu ng’tuk püi ciah kyak ci nei.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.

HEBRU 5:2

Ani amät cu kä a khüm be nak da ci kyasei, lam hma ciah chang, cheishoh ciah chang gui cu chimgein gui ci.

JAMES 1:16

Ka phäi nau gui aw, kä nami ng’laklo-en vai nei!

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.