JAMES 5:16 - Cho Bible Common Language 2016

¹⁶ Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

JAMES 5:16 Referans Kwoze

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

LAMKTU 19:18

Bawipa Jesuh yum ciah chang akda gui cun phi law u ne, ng’you hleip ne ami bilawh kä ani nak cu ah mawng chang gui ah ma ah pyein ne ng’kiaa ci gui.

1 THESSALONIAN 5:17

ak phlüt ah taigü vä,

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

ATÜNNAK 20:17

Abraham ah chu Sarah ah phäh ah Abimelek ah mang im ung hnumi gui avan cu, Bawipa naw kä hta ba sak gui ci. Cun ah kyasei Abraham naw Abimelek ah phäh ah taigü khäta, Khanpughi naw Abimelek ni, akchu ni, a changshäm hnumi gui ni cu gai sak gui sei, ngami cu hta nau ba ci gui.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

2 SHONTÄP NAK 30:20

Bawipa naw Hezekiah ah taigü cu ngai ci, ani naw chang gui cu m’geinsei gui ne ak na ah kä bi gui ci.

KHEI NAK 11:2

Chang gui cu Moses naw am htei gui vai ah m’lau ci gui. Ani cu Bawipa ah taigü khäta mei cu sik ci.

HEBRU 12:13

Düng ciah lam ung k’tha nah ne hteit vä, cun ung ng’khem ciah nami kho cu gai om khai nei.

1 THESSALONIAN 5:25

Phäi nau gui aw, keimi ah hmawk ah phi nami taigü vai nei.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.

HEBRU 13:18

Keimi ah hmawk ah angtäi sei nami taigü vai nei. Keimi naw kami m’Lung kyong theingcim ciah akcang ah kami hmat ci. A i ah kiasei ci ung keimi cu angtäi sei ng’düng ci bäng kami bi nak hlü ah hmawk ah kyak ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

ROMAN 5:19

Chang tumat naw Khanpughi ah ng’thu kä a ngaih nak awn chang gui avan cu katnak bik ciah ami kyak yawp ah mäih ah, chang tumat naw Khanpughi ah ng’thu a ngaih nak awn, chang gui avan cu Khanpughi ung ng’düng nak gah ci gui.

ROMAN 3:10

Cacim theing ung; “Ng’düng ciah chang tumat phi kä om ci,

JOSHUA 10:12

Bawipa naw Israel gui am, Amorit gui näng nak a pek gui ah hnüüp ung, Joshua naw Bawipa ah ma ah thu pyen ci. Israel chang gui ah ma ah ani naw, “Nu hni aw, Kibeon gui ah khan ah ng’düi lä ä! Pa cha aw, Aijalon khaw nawi ah khan ah ng’düm lä ä” cik ci.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

1 GHANGPUGHANG GUI 13:6

Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

1 SAMUEL 12:18

Cun ah kyasei Samuel taigü ci, acun hnüüp ung Bawipa naw kho hmum la kho k’aa tüi lawk ci. Chang avan naw Samuel la Bawipa cu kyih ci gui.

PHYAWN NAK 17:11

Moses naw a kut a shäng ah chuih Israel gui cu näng ci gui, a kut a chah ba ung Amalekit gui näng law ba ci gui.

PHYAWN NAK 9:33

Moses cu ghangpughang ungka tho ne hteit ne mang gaw k’pung ah gawk neta, a kut shäng ne Bawipa ah taigü ci. Khaw ng’hmum, gääi nu la khaw aa ng’düm yawp ci.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

LUKA 9:6

Ang düihpüi gui cu ng’düi law ne hteit ne apigaw päng ung hun nak Thu Ni ng’shäu ne pyein u ne, gawpai ci phi gai sak ci gui.

2 SAMUEL 19:19

a pyen cu, “Bawi mang aw, na bä ni, Jerusalem na nawng shüt hnüüp kei naw ka bi ah hma cu na m’hnih pe ä. Cun k’pang ne kä na hnu en na ä, cun cu kä ngaih-tüh en ba ä.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

JEREMIAH 42:2

kei cu na pyen nak ci gui, “Na bä ni, kami k’thäh cu na bi pe gui ä! Bawipa kami khanpughi ah keimi ah phäh ah na tai gü pe gui ä. Kami k’pawih ba ci avan ah phäh ah na k’taihü pe gui ä, Cau läi kami da man te ci; tuhbäi api hta kami k’pawih lawk ci, na hmuh ah mäih ah kyak ci.

MAKUH 1:5

Judea kho la Jerusalem mang gaw ungka chang akda cu law ne Johan ah thu ngai lawk ci gui, ngami cu ami katnak ung ng’yu ba u ne, Jordan tuinu ung tuihnim ci gui.

LAMKTU 8:24

Simon naw Peter lah Johan am, “Tuhbäi na ni pyein gui cu kei ah khan ah kä a gawk law vai ah Khanpughi ah nak taigü pe nä” cine ng’yawi ci.

1 SAMUEL 1:12

Hannah cu k’täi ne aksho Bawipa ah taigü ci, Eli naw ani ah m’gawng cu teng ci.