JAMES 5:13 - Cho Bible Common Language 2016

¹³ Nangmi ungka yaica nak ung gawk ciah chang cu, taigü sä, yeikyai ciah chang naw ng’äi m’cu sä.

JAMES 5:13 Referans Kwoze

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

EPHESIAN 5:19

Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.

JONAH 2:2

“O Bawipa, ka geinvai yah ung ning khü ngä sei, nang naw na na m’shang ci. Thuuk aih ciah sih nak ah khaw ung ka naw na na m’htei vai ah ng’khüngä sei na na ngaih pek ci nei.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

JONAH 2:7

Ka ghin nak ng’pyi ciah ka ngaih yah ung, O Bawipa, nang ah ka taigü ci, na Taigü im theing ungka naw na na ng’yak pek ci nei.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

THU PHLAAN 14:3

Cun ah chang 144, 000 gui cu mangkiaang ni, khiküi paphli ni, aghaampa ni gui ah maa ah ng’düi u ne ng’äi ak thai cu m’cu ci gui. Hniciim chang avan ungka ngami bäng cu a ghü gui ah kyak sei cun ah ng’äi cu ngami bäng naw m’cu thei ci gui.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

MATTHE 26:30

Cun kawn ah ngami cu ng’äi m’cu u ne Olive khomhtung lam ah hteit ci gui.

DANIEL 5:4

ghui ni, ngui ni, kyei ni, m’sii ni, sing ni, lung ni awn ami pyan ah khanpughi gui cu m’hlüngtai ci gui.

SAM 118:5

Ka khüikha sangung Bawipa cu ka khü ci; Ani naw na m’shang ne, nam hlawt ci.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

1 KORIN 14:26

Cun ah kyasei phäinau gui aw, nangmi cu khawihnah vai ah nami pum law ah a kyak ung, tumat naw ng’äi m’cu sei, tumat naw m’theithang sei, tumat naw Khanpughi ah ng’thu thuuk pyein sei, tumat naw ng’thu a hlü hlü awn ng’thu pyein sei, a hei tumat naw cun ah ng’thu m’hlan ba sei, nami bi vai. Cun ah nami bi nak phung cu Khrithabum ah bä nak ah kya sä bäi.

LUKA 23:42

Cun kawn ah Bawipa Jesuh-am, “Ghangpughang ah kya ne na uk law hnüüp ung kei phi na shüm tu ba bäi” cine pyein ci.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

SAM 105:2

Bawipa m’taam ne ng’äi vä; cäicat vai a bi gui cu pyen vä.

SAM 95:2

Law vä, ama ah mi m’hlüngtai khai, yeikyai nak ng’äi m’cu ne mi m’taam khai nei.

SAM 18:6

Ka cümbawng yah ung Bawipa cu ka khü ci nei; na m’htei khai ah Khanpughi cu ka k’thäh ci nei. A pum im kyong ah om ne ka k’aw cu ng’yak ci; ka kyah cu ngai ne, na m’htei ci nei.

JOB 33:26

Ani a taigü ung Khanpughi naw m’shang khai, Ani naw yeikyai ne Khanpughi khawihnah khai, Khanpughi naw ani cu ayan ka ah mäih ah kyak ba sak khai.

1 SHONTÄP NAK 16:9

Bawipa cu ng’äi ne m’hlüngtai vä; Ani naw cäicat vai abi gui cu chang gui am m’thein vä.

ISAIAH 65:14

Ngami naw yei ne ng’äi m’cu khai gui, cun ung phi nangmi nami m’lung thüi sei nami kyap khai.

1 KORIN 14:15

Cun ung kei naw a i chaa ka bik khai ang? Ka mümcha awn ka taigü ung kam lung kyong ung phi kak taigü khai; ka mümcha awn ng’äi kam cu ung kam lung kyong ung ng’äi kam cu khai.

JAMES 5:10

Ka phäinau gui aw, Bawipa ah ming awn thu pyein man ci gui ah profet gui cu shüm ba gui vä. Zaica geinvai nak a gawk law ung, hnimgei ne ami khüighaat nak cu nami thei tu vai nei.