JAMES 5:1 - Cho Bible Common Language 2016

¹ Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

JAMES 5:1 Referans Kwoze

NG'THU K'THUUK~ 11:28

Amät ah khawh ngaih u ciah chang cu, sing hnah chawng ah mäih ah kyak khai. Cun ung phi düng ciah chang cu khoicha khaw ah sing lim ah mäih ah bühmang khai.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

NG'THU K'THUUK~ 11:4

Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.

JAMES 1:11

Hni liing naw aghing cu chawng sak ne, apai cu kiawi sak ci, cun ah kyasei akiom nak cu dimaih ci. Acun ah mäih ah bühmang ciah chang cu, amät ah bi abi yah chung ung dimaih nak om khai nei.

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

JAMES 4:13

Tuhbäi na ngai vä, “Tuhngawi baw, ngawi ung baw, mang gaw tumat ah hteit ne, kho kum ät kami om khai. A cu ah sumlei ne ngui akda kami gah khai,” cine, nangmi amshah naw nami pyein ci.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

JOEL 1:11

Cäi ng’ä vä, lo bik ci gui; sapyit m’htei ci gui kyap vä; a i ah kyasei ci ung atun, am guh, geit avan di pyi ci nei.

JOEL 1:5

Awktat ciah chang gui, ng’shüm law ne kyap m’lau vä; yu awk ci gui kyap vä; yu tui ak thai ah pyan vai ah am theih gui cu di pyi ci nei.

EZEKIEL 19:2

Nangh ah na nu cu phong kawng anu acang ah kyak ci nei! Ani naw a hta gui cu kyih vai phong kawng ak hla gui ah ng’lung ah m’ghin gui ci nei.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

JAMES 4:9

Thüisei vä, kyap m’lau vä; nami gaih nak cu, kyah nak ah ng’lat sak vä! Nami yei nak cu thüi nak ah ng’lat sak vä!

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

ISAIAH 15:3

Lan yung ung chang gui au thüisui sui u ne; mang gaw ng’lung gui la um m’cung gui ung chang gui cu thüi ne kyap ci gui.

EZEKIEL 30:2

ani naw pyen ci, “Hnicim chang, kei, uktu Bawipa naw ka pyen cu ng’cäbang ne ng’shäu ä. Nang naw shin ah ng’thu gui cu m’lau ne na pyen vai nei: kyihkyawk vai ah hnüüp gawk lawk ci!