JAMES 4:8 - Cho Bible Common Language 2016

⁸ Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

JAMES 4:8 Referans Kwoze

SAM 145:18

Ani naw ani khü ci gui la m’lung neim nak awn khü ci gui cu k’et gui ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

ZEKHARIAH 1:3

cun ung phi tuhbäi ka pyen cu, ‘Kei ah law ba vä, kei phi nangmi ah ka law ba khai.

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

HEBRU 7:19

Moses ah thukhän naw a i phi kä kümpäng sak hlawt ci. Tuhbäi mikmi cu bä pi ciah ngaih u nak mi gah pyii ci kyasei, cun ah ngaih u nak awn Khanpughi ah pei ah mi ng’et lawk ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

SAM 73:28

Cun ung phi kei ah hmawk läi ah, Khanpughi awn ng’et ne, uk ciah Bawipa shungvong nak hmu ne, ani ah bi phung ng’shäu cu cäcat vai ah kyak ci nei!

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

MATTHE 12:33

‘Ak theih ak ni ng’yak hlü ung a ghing ak ni geit vai, a ghing shek cicu ak she ah m’theih ci, ak theih awn a ghing ah mawng cu hmat vai kyak ci.

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

SAM 24:4

Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

SAM 18:20

Bawipa naw düng nak ka bi ah hmawk ah ng’chuh na pek ci; katnak kä ka bi ah hmawk ah hriham nak’be ci.

SAM 26:6

Bawipa, kei cu ka kut m’si ne, katnak kä a om ah mawng ka m’dang ci, mang kyang veing ne ka khawihnah ci nei.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

ATÜNNAK 18:23

Abraham naw Bawipa cu k’et neta ang shi cu, “Chang ni gui cu changshe gui awn a täng ah akcang ah na m’di gui khai ma?

JOB 16:17

Cun ung phi kei kä ka kyawi m’sa ci nei. Khanpughi ah ang awi hta ah ka taigü ci nei.

MATTHE 15:2

“A i ah kyasei nang düihpüi gui naw pupa gui ah thungyo man cu kä ami läk ang? ngami cu thungyo man ah kut käm si ah ei ei ci gui nei,” cine pyein ci gui.

JEREMIAH 4:11

Ng’kiang khokhi na ngami täng ah akhi law ah mawng Jerusalem chang gui am m’thein nak gui vai ah akhin gawk lawk ci nei. Cun cu angshi bäng zon ciah kyäp nep ciah khokhi ah kä kyak ci —

JOB 9:30

A i satpia naw phi ka hma gui cu kä m’shi hning ci.

ISAIAH 13:15

Ami pha ah chang phung cu k’daih ne ngawn khai gui.

SAM 73:13

Kei cu ka mät theing cim sak ne katnak kä ka bi phung ung phi a kholä ah kyak ci nei.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

1 SAMUEL 14:35

Saul naw Bawipa ah sonkyang co ci. Cun cu a cawh htük bäih ah kyak ci.

SAM 119:113

Kei naw nang ung kä bekhüt ci gui cu ka gen gui ci, cun ung phi na thukhän cu ka m’hni ci nei.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

NG’ÄI KYAH 3:57

Nang naw na m’shang ne kä kyih en vai ah na na m’thein ci.