JAMES 4:2 - Cho Bible Common Language 2016

² Nangmi cu nami ng’yak hlü phung kä gah hlawt u netah chang nami ngawn ge khai ah nami pawng ci. Nami ng’yak hlü aih cu kä nami gah law ah a kyak ung ng’tuk nami ghüh ci, ng’vook nami lup ci. Nami ng’yak hlü kä nami gah ah mawng cu, Khanpughi ah kä nami ng’yoih ah hmawk ah kyak ci.

JAMES 4:2 Referans Kwoze

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

NG'THU K'THUUK~ 1:19

Gut tep ah khawh naw gut tep ci gui ah ghin nak cu m’dang ci. A cun naw gut tep cicu m’sih ci.

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.

ISAIAH 7:12

Ahaz naw m’shang ne, “Kei naw m’hnüt nak cu kä ka k’thäh khai. Bawipa m’nüm vai cu kei naw ka mak ci nei” cik ci.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

1 JOHAN 3:15

A phäi nau thüi nak ciah chang cu chang ngawn ciah kyak ci, Chang ngawn ciah chang naw angtäi ghin nak kä gah hlawt khai cicu nami hmat ci.

1 GHANGPUGHANG GUI 21:6

Ani naw, “Naboth naw ana pyen nak ah phäh ah nei, kei naw a sapyitduum hleih tuba vai ah ka pyen ci, käcung ani naw a yum ung, a hei duum peit tuba vai, ka pyen ci, cun ung phi kä ka gah khai ah ani naw na pyen nak ci!”