JAMES 4:14 - Cho Bible Common Language 2016

¹⁴ Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

JAMES 4:14 Referans Kwoze

1 PETER 1:24

Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

SAM 39:5

Ka ghin nak a i aih ah na tawi sak ci ang? Nang lam ah kei ah ghin nak cu a kho lä ah kyak ci nei. Akcang ah hni cim chang cu kho häi hlawk ah phi kä kyak ci nei,

1 JOHAN 2:17

Khomdek khan la khomdek khan ah chang ah ng’yak hlü gui cu, ng’pyi lawk ci gui nei; cun ung phi Khanpughi ah ang yak hlü ah hnüntho ci gui cu, angtäi sei ghing khai gui nei.

SAM 102:3

Ka ghin nak cu mei khu ah mäih ah pyei ne, ka pumsa cu mei ah uih ah mäih ah kyak ci nei.

JAMES 1:10

bühmang ciah khritha tumat cu Khanpughi naw a yuk neim sak ung yei kiai sä. Bühmang ci gui cu cheipai ah mäih ah thuum ne ng’kawn khai gui nei.

SAM 89:47

Ka ghin nak ciah na na tüi gu avan cu na shüm vai nei.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

ISAIAH 38:12

Kei ah ghin nak cu tukpit ah kya ne ng’pyi ci nei, phyeet ah k’pyu ah mäih ah, Tah lm ung ka ah pit ah tahsa ah mäih ah, khanpughi naw ka ghin nak cu ng’pyi sak ciah ka ngai ci nei.

SAM 78:39

Ngami cu pumsa ah ami kyak la khokhi ah mäih ah khi ne ng’kon ciah ami kyak cu ani naw shüm ba ci.

SAM 144:4

Ani cu khokhi goh ah mäih ah kyak ci; Ani ah kho hnüüp gui cu ng’kon ciah püpüi ah mäih ah kyak ci.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

ISAIAH 2:22

Si thei ciah chang kä nami ngaih u ba vai. Ngami naw a i phu na u ne ang?

2 SAMUEL 19:34

Barzillai naw, “Kei cu ak shou kä ka ghing ba khai; bawi mang awi, a i vai Jerusalem ah ka hteh tu vai ang?