JAMES 4:11 - Cho Bible Common Language 2016

¹¹ Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

JAMES 4:11 Referans Kwoze

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

LUKA 6:37

Chang ah katnak kä na pyein peit vai, cun ung Khanpughi naw na katnak kä ning pyein Pek khai. Chang kä nami m’shukchaak vai, cun ung Khanpughi naw kä ning m’shukcha gui khai. Chang ah katnak nami m’gein vai, cun ung Khanpughi naw nami katnak ning m’gein gui khai.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

SAM 140:11

Chang akshe ah yawshe nak ci cu, kä näng en sä; m’ghäi m’ce ci gui cu leigai naw näng ne m’di gui sä.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

2 TIMOTHI 3:3

Ngahmi cu m’gein nak kä om ci, chihna nak kä om ci, chang ah ming m’shet ci, m’gäi m’cik ci, hlawhlang ciah kyak khai gui nei; ak ni phung cu thüi nak khai gui nei.

1 TIMOTHI 3:11

Ami chu gui cun phi akni ah m’lung ngaih om ih ci gui ah a kiak vai, khleei khlam ci gui ah kä kyak en sä. Ciimvai lunglang ne, ngaih gep vai ah chang ah ami kyak vai.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

ROMAN 2:13

Chang cu thukhän ng’yak nak düt awn Khanpughi ah ma ah ng’düng ciah kä kyak ci, thukhän ah pyein läk ciah chang cun vah, Khanpughi ah ma ah ng’düng ciah kyak ci.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

TITUS 2:3

Acun ah mäih ah hnumi ng’vaiba gui phi theingcim ciah ghin nak a om vai ah nam cäi gui vai nei. Ngami cu chang ah thang m’shet ci gui, kä cun ung yu ah khleihtein gui ah kä ami kyak en vai nei. Akni phung m’theithang ba thei ciah ami kyak vai nei.

JAMES 1:16

Ka phäi nau gui aw, kä nami ng’laklo-en vai nei!

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

JAMES 5:10

Ka phäinau gui aw, Bawipa ah ming awn thu pyein man ci gui ah profet gui cu shüm ba gui vä. Zaica geinvai nak a gawk law ung, hnimgei ne ami khüighaat nak cu nami thei tu vai nei.