JAMES 4:10 - Cho Bible Common Language 2016

¹⁰ Bawipa ah ma ah nami m’lung neim sak vä, cun ung ning m’hlüngtai gui khai nei.

JAMES 4:10 Referans Kwoze

SAM 147:6

Am lung neim sak cicu thawh sak ne, changshe cu güüt ne m’dek ung m’shän ci.

MATTHE 23:12

Amät naw amät m’hlüngtai cicu ng’neim pibäih khai, amät naw amät ng’neim sak cicu hlüngtai nak gah khai.

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

JOB 22:29

Khanpughi naw chang ah ng’shei ci gui cu yuk chah gui ne, m’lung neim ci gui cu hun gui ci.

SAM 113:7

Ani naw dukhaih ci gui cu m’vut hmu ungka m’tho gui ne; geinvai ci gui cu ng’sawp ng’pum ungka zu chang gui ne,

LUKA 1:52

M’gäi ciah ghangpughang gui mangkiang ung kaa yuk chah gui ne, yoken ciah chang gui han chaang gui ci.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

SAM 27:6

Cun ah kiasei nak koi ciah gaa gui ah khan ah ka näng khai. A pum im kyong ah yei ne m’lau ne, khawihnah nak ka vawipet khai; Ng’äi ka m’cu khai, Bawipa ka m’tamkhah khai.

SAM 30:1

Bawipa, na na hun ah hmawk la ka gaa gui naw kä ami na gaih tu vai ah na hteh püi ä, ka ning m’taam ci nei.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

SAM 28:9

Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

1 SAMUEL 2:7

Ani naw amshah dukhaih sak ci, amshah bühmang sak ci; Amshah neim sak ci, amshah dämduh sak ci.

2 SHONTÄP NAK 7:14

ngami cu kei ah taigü u ne, akshe gui ami bi nak ungka ng’yuu ba u ne, ami ng’hlah law ba ung, kei naw khankho ah ka naw ka ng’ya gui khai, ami katnak ka m’geinsei gui khai, ami khaw ka ng’bühmang bu sak gui khai.

JOB 5:11

Ä, ng’neim ci gui m’tho gui ci cu Khanpughi nei, thüisei ci gui avan am yeikyai nak pe gui ci nei.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

EZEKIEL 21:26

Kei, uktu Bawipa naw ka pyen ci. Na mang lukhu la na lupawng cu suut ä. A i phi yän ä kaa ah mäih ah kä kya ba khai. Dukhaih ci gui cu huham pek gui vai, uktu gui cu yuk chak gui vai!