JAMES 4:1 - Cho Bible Common Language 2016

¹ Nangmi ung ng’tuk ah nak la ng’vookshan nak cu a hawi ah kaa gawk lawk ci ang? Cun gui cu nami m’lung kyong ung phu ne ng’kiah ciah lünlawi nak vai, ng’yak nak hlü aih ungka lawk ci nei.

JAMES 4:1 Referans Kwoze

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

KALATIAN 5:17

A i ah kya sei ciung Hnicim chang ah ng’yak hlü cu Mumcha ah ng’yak hlü awn hnu ng’tuk ci, Mumcha ah ng’yak hlü cun phi hnicim chang ah ng’yak hlü awn hnu ng’tuk ci. Shin ah hnih goi cu ng’gaa na tuk ci goi. Cun ah kyasei nangmi cu nami mät ah ng’yak hlü ah kä nami bi hlawt ci.

ROMAN 7:23

Cun ung phi kei ah pumsa kyong ah kei ah m’lung ngaih ah ng’yak hlü awn ng’kükneet ng’tu ng’aat ciah thukhän ah mawng tumat om ci. Cun cu kei ah pumsa kyong ah hnüntho law ne, kei cu katnak ah thawng khui ah na chum ci.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

JAMES 1:14

Cun ung phi chang tumat tüihtok nak a gah nak cu, amät ah shekak ciah ang yak hlü nak lam ah a läk nak ah kyak ci.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

1 PETER 1:14

Khanpughi ah thu ngai u ne, kä nami hmuhmat pha ung nami om ih ng’yak hlü man ah mäih ah kä nami ghin om ba vai nei.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

TITUS 3:9

Cun ung phi shekhak ciah ng’cuhcan nak, ng’shon lam ang sau ah guh ne pyan nak, ng’tuk vok nak, thukhän ah mawng ng’cuhcan nak gui cu na hlawi vai nei. Cun gui cu ei mang vai kä kya ne, a i phi kä ak pawih ciah a mawng gui ah kyak ci.

ROMAN 7:5

Mikmi cu khomdek pumsa ah ng’yak hlü ah ghing ne mi om yah ung thukhän awn lawk ciah shetkat nak hlü ah m’lung naw mi pumsa kyong ah bi bi ne, mikmi cu na sih sak gui ci.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

2 TIMOTHI 2:23

Hmühma nak la ak ang ah ng’cuhcan nak gui cu na hlawi vai, Cun gui naw ng’tukvook nak a pyan cu na hmat ci nei.