JAMES 3:6 - Cho Bible Common Language 2016

⁶ M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

JAMES 3:6 Referans Kwoze

NG'THU K'THUUK~ 16:27

Changshe gui naw chang ami m’di nak vai ah lam cu, shui ci gui, ami ng’thu m’gawng cu akshe mei ah dai ci.

MAKUH 7:15

Ak pung ah kaa chang ung lut ci naw, chang cu kä shetkat sak hlawt ci, chang ah puk kyong ungka lut lawk ci naw chang cu shetkat sak ci.

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.

LUKA 16:24

“Pa Abraham aw, kei cu nam gein ä, kei cu m’htei mei khui ung ang htei ah ka geinvai ci nei. Layarus naw a kut m’dawng awn tui tawk netah ka m’lei ung ana m’hteei tu vai ah ka om nak ah yuk tüi law” cine m’awi ne ng’khü ci.

SAM 140:3

Ngami ah m’lei cu sih nak ah k’phyu ah mäih ah kyak ci; Ngami ah ng’thu cu m’htung k’phyu ah m’äm ah mäih ah kyak ci.

SAM 64:3

Ami m’lei cu chim ah mäih ah m’ghü ci gui, ami thushe cu m’la ah mäih ah kyak ci.

3 JOHAN 1:10

Kei ka law ung ani ah bilawh gui phung cu ka ning m’thein gui khai nei. Ani naw mikmi cu kä na yei nah gui ne, nam hleei gui ne thu pyein ci nei. Cun bäng ah kä kyak ciah, Khritha phäi nau gui ami law ung kä dou gui ci, dou gui hlük ciah chang gui phi maa nah gui ne, khrithabum ungka k’täm gui vai ah phi k’tha nak ci nei.

JAMES 2:7

Ngahmi cu nangmi naw nami dou ah ming k’ni cu sawngkhei ci gui nei.

LAMKTU 6:13

Cun kawn ah hleei neh saksi khai gui phi, thäm law gui ci gui. Cun ah saksi gui naw, “Shin na chang cu Taigüim lah Moses ah ng’thu m’khän cu hnu nah neh ng’thu pyein ci nei,

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

MATTHE 12:24

Cun ami cicu pharisee gui naw ng’ya u netah, “Shin ah chang naw khoshe gui ah bawimang Beeyebul ah ming awn nei khoshe gui cu ak täm hning,” cine kyak ci gui.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

2 SAMUEL 19:43

Israel chang gui naw, “Ani cu nangmi ungka ah a kyak pang ung phi, Ghangpughang David cu nangmi ah ta keimi ung a gha ah ng’gui pha pi ci nei. A i ah kyasei keimi nami na kahta nak gui ang? Ghangpughang lak ba vai ah ng’thu pyen ma ci cu, keimi nei, kä nami m’hnih vai!” cik ci gui. Cun ung phi Judah chang gui ah ng’thu cu Israel chang gui ah thu ah ta khäng htek pi ci.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

LAMKTU 20:30

Nami mät ungka chang amshah naw, yum ciah chang gui naw ami läk gui vai ah, hleeihlak ne ami k’tü phlawh nak ah khin gawk law khai nei.

JEREMIAH 28:16

Cun ah kyasei ani naw nang cu ning k’täm khai ah Bawipa amät naw pyen ci nei. Shin ah khokum kä angpyi pha ung nang cu na sik khai, a i ah kyasei ci ung nang naw chang gui am Khanpughi hnungtuk püi u ne ami ng’tuk püi vai ah na pyen ci.”

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

ISAIAH 30:27

Bawipa ah huham la bämang nak cu asang ah ka naw phi hmuh hning vai nei. Mei kdäi la meikhu naw ani ah m’lungshe nak cu m’dang ci nei. Ani ang thu ung, aniah thulung naw mei ah mäih ah ui ci nei.

KHEI NAK 31:16

Nami shüm ba vai cu Balaam ah m’shüm thein nak läk ci gui cu hnumi gui nei, Peor gawnu chang gui Bawipa ung kä bekhüt khai gui ah phi tängpang ci gui nei. A cun naw vah Bawipa ah chang gui ah khan ah leigai law püi ci.

2 SHONTÄP NAK 13:17

Abijah la a gakap gui naw Israel gui cu ak ghuih ah tu gui u ne-Israel gui ah gakap aknipi 500,000 vai cu ngawn ci gui.

2 SAMUEL 16:20

Cun kawn ah Absalom naw Ahithophela täng ah ng’hlat neta, “Tuhbäi shin ung mi om pyi ci, a i kami bi vai ah na na m’shüm thein gui khai ang?” cik ci.

THULÄÄN NAK 13:6

“Na phäi nau, na hta pami, na hta hnumi, na m’hni ah nak chu, kä cung na teihpü ni naw nang la nami pupa gui naw phi kä ami khawihnah man ah a hei khanpughi cu nami khawihnah tu vai ah ning tüihtok gui hngaw khai.

KHEI NAK 25:2

Moab gui ah Khanpughi khawihnah nak ah ei awk nak ung ngami cu Moab hnumi gui naw khawihnah nak ei ami ei tu vai ah khü gui ci gui. Moab gui ah ami khawihnah nak ah Israel gui cu ami ei ei tu u ne, ami khanpughi khawihnah tuk ci gui.

NG'THU K'THUUK~ 7:5

Cun gui naw chang ah chu la hlim khai ah ng’thu ciah hnumi ung ning shawng sak khai.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

JAMES 3:7

Chang naw kawng khawm, phiu kha, k’phyukphyai, ngak’ai gui cu m’hnep hning ci, am hnep phi akda om ci.