JAMES 3:5 - Cho Bible Common Language 2016

⁵ M’lei cun phi acun ah mäih ah kyak ci, m’lei cu aläm hta ah akiak ung phi, abi nak hning cu dämduh ci. Ang htei ah däm nu ciah bungpuk nu phi, mei m’ghi apihta naw ui yawp hning ci, cicu ngaih tüih shüm vä.

JAMES 3:5 Referans Kwoze

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

SAM 17:10

Ngami ung chimgein nak kä om sei, m’gäi ne ng’thu ci gui.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

JOB 22:17

Shin cu Khanpughi hnungtuk püi ci la ani ah khan ah Khanpughi naw a i kä bi hning khai ciah yum ciah chang gui ah kya ci.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

SAM 39:1

Kei naw, “Kei naw ka bi phung cu geing na ne ka bik khai nei, ka ng’thu awn phi kä ka cheishoh khai nei; Changshe gui ka pei ah ami om yah ung a i ng’thu phi kä ka pyen khai nei” ka cik ci.

NG'THU K'THUUK~ 26:20

Sing kä a om ung mei sik ci, ng’pyen sak nak kä a om ung ng’tukvook maih ci.

JAMES 3:4

Ang htei ah däm ciah htinpaw im nu cu, khokhi ne ang pheet ung phi, k’pyü ci naw kyeep ne pang ne, ang yak nak hlü ah ng’hlah sak ci.