Biblia Todo Logo
Bib sou entènèt

- Piblisite -




JAMES 3:2 - Cho Bible Common Language 2016

2 Mikmi cu ashäng shäng mi sheka thei ci nei. A i yah ung phi hmakat nak kä om khai ah thu thei ciah chang cu, kümbe ciah kiak ci, apumsa avan shum ne htingling ciah chang ah phi kyak ci.

Gade chapit la Kopi




JAMES 3:2
29 Referans Kwoze  

Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.


Na ng’thu ng’htau geing na ne, na ghin nak na shungvong vai. Kä geing nak ah ng’thu ci naw amät m’di ci.


Cacim theing ung, “Ak ding ak gei ah ghing ne, akni ak kyom ah om hlük ciah chang naw, ang thu m’gawng cu a khäm vai, am leidang ung hleeihlak nak kä a om men vai.


Nangmi m’shekat nak nami gah vai la kä nami gah vai cu, nami mät ah ng’thu m’gawn awn m’khoichaa nak om khai nei” cine pyen na gui ci.


Akshe ah kä nami ng’thu vai, nami hleei kä nami pyen vai.


A u chang naw akcang ah pyen hning khai ang? Am lung ngaih cu theingciim ci, akat nak cu ci ng’ciim ciah pyen hning khai aw?


Angtäi sei a hman bi ne, a hma kä bi phung ciah chang khomdek khan ung a u kä om ci.


Cacim theing ung; “Ng’düng ciah chang tumat phi kä om ci,


Nami khüighaat nak naw, yu kyak nak kä om khai ah, ning chaang gui sei, ng’laklo nak kä om ne, nangmi cu küm nak la be nak awn nami om khai nei.


“Na chang gui naw ning hnungtuk ne hma u ne — kä hma ci a u kä a om ba ah a kyak ung — na m’lungshe nak awn ami ga gui am na hnim sak gui ah a kyak ung, ngami cu pha gui ne thawngcum ah a hei kho ah ami hteh püi ung, cun ah khaw cu shou nu ciah a kyak ungphi,


Thukhän tumat m’shet ciah chang cu thukhän avan m’shet ciah kiak ci nei.


Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.


Kei naw chang gui ng’längna tuk khai gui ah khü gui netah, ka mät kä ka k’pawih en shüt vai ah, ka pumsa cu liu ne guh khai ah khüi ne ka ng’lüm ci nei.


Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.


Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.


Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.


Cun ung phi, cacim naw, m’dek ah khan avan cu, katnak ah hlüngtai nak ah kaa ah om ci nei, cine pyein ci. Cun ah kyasei Bawi Khrit yum nak ung phung ciah a shaitaak ah m’shumphyuk nak cu, yum ciah chang gui naw gah ci gui.


Cun ah kya sei thukhän ah bi nak ung kei naw ka hmuh cu, Kei naw akni ka bi hlü nak awn, akshe bängbäng ghü ne ka bik ciah kyak ci.


“Na chang gui naw ning hnungtuk püi ne katnak ami bi law ung-kä hmakat tuk ci a u kä a om ba ung-nang naw m’lungshe ne ami ga gui am na hnim sak gui ung, a khaw hei ah pha ne na hteh püi sak gui ung, cun ah khaw cu shou nu ciah a kyak ung phi,


Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.


A i ah kya sei ciung Hnicim chang ah ng’yak hlü cu Mumcha ah ng’yak hlü awn hnu ng’tuk ci, Mumcha ah ng’yak hlü cun phi hnicim chang ah ng’yak hlü awn hnu ng’tuk ci. Shin ah hnih goi cu ng’gaa na tuk ci goi. Cun ah kyasei nangmi cu nami mät ah ng’yak hlü ah kä nami bi hlawt ci.


Kei naw, “Kei naw ka bi phung cu geing na ne ka bik khai nei, ka ng’thu awn phi kä ka cheishoh khai nei; Changshe gui ka pei ah ami om yah ung a i ng’thu phi kä ka pyen khai nei” ka cik ci.


Akda ah ng’thu ung katnak om ci, cüvai ciah chang cu adüm ah om ci.


Cümbawng nak kä om khai ah na om hlü ung geing na ne ng’thu na pyen vai.


K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.


cun ah chang cu taigü naw ang shi thäh vai. Angdum cu a bawk ng’haam ah a kyak ung cun cu vun ung ang um düt ah kyak khai, cun ah chang cu theingthap khai.


Nang naw Khanpughi m’lungshe na ne cäk cha ah na ng’thu ci nei.


Swiv nou:

Piblisite


Piblisite