JAMES 3:14 - Cho Bible Common Language 2016

¹⁴ Cun ung phi nami m’lung kyong ah m’thüikhang nak, khaa nak, m’yawmhau nak gui om khätah nami cüivai nak awn nami khähghah ah a kyak ung, thudüng cu nami hnu ng’tuk püi ciah kyak ci nei.

JAMES 3:14 Referans Kwoze

JAMES 3:16

M’thüi m’khang nak la m’yawmhau nak cun naw, kä ng’käkhtäng nak la shetkat nak a hlü hlü om sak ci,

1 KORIN 13:4

M’Hni nak cu hniimgei nak, ng’awi ng’gi nak ah kyak ci; m’thüi m’khang nak, khähghah nak, chang ah ng’shei nak kä om ci.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

ROMAN 13:13

Mikmi cu akdei ung om ciah chang gui ah mäih ah ak ni ah mi om ih khai nei; auk tat nak, om k’she nak, plet beng nak, lü ng’aa nak, ng’tuk ng’ah nak, m’thüi m’khang nak gui cu avan mi nawng yawp khai nei.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

PHILIPPIAN 1:15

Chang amshah gui naw m’thüikhang nak ah m’lung ng’tukvook nak hlü ah m’lung awn Bawi Khrit ah mawng cu pyeinsak ci gui, cun ung phi chang amshah naw m’lung ngaih k’ni awn pyeinsak ci gui.

JAMES 5:19

Ka phainau gui aw, nangmi ungka chang tumat cu, thudüng nawng ne lam hma khätah, a hei tumat naw lam düng ung a khü law tu ba ah a kyak ung;

LAMKTU 5:17

Cun kawn ah Taigü tung la, apaw gui ah kyak ciah pigaw gui ah ka Sadducee gui cu ang Düihpüi gui ah khan ah ang htei ah käng yah hlü ne m’thüi u netah, ci gui vai ah k’bäi ci gui.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

1 TIMOTHI 6:4

kä ng’müi sak ci cu, chang ah ng’shei aih ne a i ng’hlui kä hmat ciah kyak ci. Ani cu ng’vook shan vai, ng’küük neet vai ng’yak hlü ciah kyak ci. Cun naw vamneng nak, cuhcan nak, m’thüikhang nak, shedam nak,

1 KORIN 5:2

Cun hlawk ah shetkat nak om sei phi a i ah kya sei nami khähghah lä ang! A i ah kya sei cun ah hmawk ah kä nami thui ng’aa ang! A i ah kya sei cun ah mäih ah chang cu nami bum nak ungka kä nami k’täm ang!

ROMAN 2:8

Amät ah bä nak vai bäng teng ne, ng’düng nak cu hnu na ne, shet nak lam ah läk ciah chang gui cu Khanpughi ah m’lung k’she nak hmuk khai gui.

NG'THU K'THUUK~ 27:4

M’lungshe nak cu nget ngawng nak la dishum nak ah kyak ci, Cun ung phi m’thüikhang nak cu cun ah ta sheka pi ci.

NG'THU K'THUUK~ 14:30

Dimdeeih ciah m’lung ngaih naw pumsa gaigawng sak ci, m’thüikhang nak cu kenser gaw natnak ah kyak ci.

2 GHANGPUGHANG GUI 10:31

Cun ung phi Israel Khanpughi, Bawipa ah thukhän cu Jehu naw am lung kyong avan awn kä läk ci; cun ung phi ani naw Israel gui katnak ung hteh püi ciah Jeroboam cu läk ci.

KALATIAN 6:13

Vun ah vai ah ling ciah chang gui ge naw, thukhän cu kä läk ci gui nei. Vun ah nak nami bi nak awn khähghah hlü u netah, ami ning bi sak gui ah kyak ci.

KALATIAN 5:26

Mikmi cu chang ah kä ng’shei vai, tumat la tumat kä ngetngawng vai, kä m’thüikhang vai.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

1 KORIN 5:6

Nangmi cu chang ah kä nami ng’shei vai. “K’caw api hta naw m’htut den avan cu thawh sak ci” ciah thu thuuk cu nami hmat ci.

ROMAN 2:17

Nang a i hawkcha ang? Nang cu na mät naw, kei cu Jew chang nei cine, thukhän ung khüng ne, Khanpughi awn na khähgah ci.

ROMAN 1:29

Ngami cu shekat nak a hlü hlü bi u ne, ngetngawng nak, shemshai nak, ng’yak hlü aih nak, om k’she nak, m’thüikhang nak, chang ngawn nak, ng’tuk nak, hleeihlak nak, ng’u hngeit nak, gui cu m’chei m’shoh ci gui. Ngami cu khleei u ne;

LAMKTU 26:9

Kei ka mät naw phi Nazaret chang Jesuh ah ming awn hnu ng’tuk khai ah bi bi vai ka yum man ci.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

MATTHE 27:18

Jew chang ng’vai gui naw ami thüi nak su ah, Bawipa Jesuh cu a kut ung ami ap ah ani naw hmat ci.

HABAKKUK 1:3

A i ah kyasei shin ah yaica nak na na hmuh sak ang? A i cha ah shin ah mäih cheishoh nak ung na teng düt ne na om ang? Dishum nak, kyawi m’sa nak gui naw na kyung ci nei. Kho päng ung ng’tuk nak la ng’vok nak bäng ah kyak ci nei.

ISAIAH 11:13

Israel uknak khaw cu Judah khaw ah khan ah vamneng nak kä om ba khai, Judah cu Israel ah ga ah kä kya ba khai.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

2 GHANGPUGHANG GUI 10:16

“Kei awn a täng ah law neta, kei naw a i hlawk ah Bawipa ka khawihnah cu na mät naw teng ä” cik ci. Cun kawn ah ngami cu Samaria ah ng’se awn a täng ah hteit ci gui.

ATÜNNAK 37:11

A phäi gui ami van naw m’thüi nak ci gui. Cun ung phi apa naw cun cu m’hnüt ci.

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

1 TIMOTHI 2:4

Chang nüng cu hun nak gah ne thu düng ami hmat vai ah Khanpughi naw ng’ya hlük ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

ATÜNNAK 38:9

Cun ung phi Onan naw aphäi ah chu cu a hta law ung, a hta ah kä kyak khai ah hmat neta, a phäi ah chu awn ani ng’yaw yah ung a patui cu akpung ah m’hlawi ci. Cun ah kya ne a phäi cu kä ng’shon sak ci.