JAMES 2:8 - Cho Bible Common Language 2016

⁸ Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

JAMES 2:8 Referans Kwoze

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

KALATIAN 5:14

“Na paw chang cu na mät awn m’täng ne nam hni vai,” ciah thukhän läk ci cu, thukhän avan läk ciah kyak ci.

JAMES 2:12

Cun ah kyasei phiawn nak ah thukhän awn, m’khoichaa nak gah khai gui ah, chang gui ah mäih ah, nami om ih vai nei.

MATTHE 22:39

Ak hnih nak ah ak hlüngtai pibäih la ak küikyang pi bäih ah thukhän cu, ‘Nak chang paw cu na mät awn m’täng ne nam hni vai,’ ciah thukhän ah kyak ci.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

JONAH 4:4

Bawipa naw, “Nang ung na m’lungshe nak hning vai a i om ne ang?” cine kyak nak ci.

2 GHANGPUGHANG GUI 7:9

Cun kawn ah ngami cu ami mät gui ng’cengcäk u ne, “Shin ah kä mi bik khai! Mikmi ung thu k’ni om ci, a cun kä mi k’üüp düt khai. Mikmi naw khongawi güt kä pyen ne mi om ung na m’kyuk gui khai gui. Mikmi hteit ge ne ghangpughang ah bawi gui am mi m’thein gui khai nei!”

1 THESSALONIAN 4:9

Zum ci gui nami mät nami ng’hni tu vai ah mawng cu ca guk vai kä hlü ci. Nami mät gui nami ng’hni tu vai ah nami mät cu Khanpughi naw ning m’thein gui pyi ci.

PHILIPPIAN 4:14

Cun ung phi kei ka yaica yah ung nang mi naw nami nam htei cu ang htei ah bä ci nei.

MATTHE 25:23

A bawi naw ‘Na bä ci nang cu düng ciah changniah na kyak ci. Bi api ung nang düng ci kyasei bi akdäm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

JONAH 4:9

Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.

1 GHANGPUGHANG GUI 8:18

Cun ung phi Bawipa naw ani cu pyen nak ci, “Kei ah phäh ah Taigüim cawh vai na ng’yak hlü cu na hman ci,

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

MATTHE 7:12

Nami mät ung chang naw abi vai nami ng’yak hlü ah mäih ah chang ung phi nami bi vai. Cun cu Mosesah thukhän la profet gui ah m’theithang nak ah kyak ci.

ROMAN 13:10

Ak chang paw m’hni ciah chang cun naw, a i yah ung phi am hni ah shetkat nak vai cu kä bik khai nei. Cun kya sei ak chang paw m’hni ciah chang cu thukhän a van läk ciah kyak ci.

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.