JAMES 2:6 - Cho Bible Common Language 2016

⁶ Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

JAMES 2:6 Referans Kwoze

NG'THU K'THUUK~ 17:5

Dukhaih ci na gaih tu ung ani tuisho ciah khanpughi na kalu nak ciah kyak ci. Chang yaica nak ung agawk ah phäh ah yeikyai ciah chang cu, m’kyuk nak gah khai nei.

1 KORIN 11:22

Nangmi ung nami ei awk nak vai nami mät ah pyu im kä om ne maa? Kä cun ung nangmi naw Khanpughi ah Khrithabum päipih u ne, ghawipyam ciah chang gui cu nami lü ng’aa sak gui ci maa? Nangmi ah mawng a i ah ka pyein vai nami ng’a hlük ci ang? Ka ning m’hlüngtai gui vai maa? api ah phi kä ka ning m’hlüngtai gui khai nei.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

SAM 14:6

A she bik ci gui naw m’lung ng’neim ci gui ah m’lung ngaih cu m’shet ci gui, Cun ung phi ngami cu Bawipa naw m’htei gui ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

JAMES 2:3

Nangmi naw sui k’ni sui ne lawk cicu chang m’sui u ne, ngoh nak nami nam hnawn khai; sui she sui ne lawk cicu “A cän ung düi ä, kä cun ung kami kho pei ah ngoh law ä,” cine nami kiak nak ung,

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

ZEKHARIAH 7:10

Hmeinu hmeihta gui, a khawhei chang nami ng’lung ah om tuk ci gui la dukhaih ci gui cu kä nami shedam nak vai. Tumat la tumat ak she ah kä nami ng’tüihtok tu vai.’

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

NG'THU K'THUUK~ 22:16

Bühmang ci am m’cümhnah pe ne, kä cung bühmang vai ah dukhaih ci na yawshe nak ah a kyak ung, na mät cu na pyam lawk khai nei.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

LAMKTU 18:12

Achaia kho cu Kallio naw Roman bawi ah kya ne a uk yah ung, Judah chang gui ng’cut u netah Paul cu pha ne, yung ah m’kawt ah law püi ci gui.

HABAKKUK 3:14

Na m’la naw gabawi cu kaang ci nei, na k’phyitpai gui khai ah khokhi nu ah mäih ah a law yah ung. Dukhaih ci gui shedam nak ciah mäih ah teng m’shuk ci nei.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

SAM 10:10

A m’gein kaa gui cu, kyu ne ng’zän u sei, k’thamah ci naw m’di gui ci.

SAM 10:8

Ani cu pigaw ah amät ng’thup ne, changni cu ng’mün ne ngawn ci. A m’geinka kyak ci gui cu k’tächä gui ci;

SAM 10:2

Changshe gui cu m’ghä ce u ne, dukhaih cicu dukdeiu nak ci gui; ami cun ung pha gui ci gui.

JOB 20:19

A i ah kyasei ci ung ani naw dukhaih ci gui shedam na ne chang ah im cawh phi gut ci.

JOHAN 8:49

Bawipa Jesuh naw, “Kei cu khoshe naw kä na kai ci, kei naw Kapa cu kamtam khah ci, cun ung phi nangmi naw kei cu nami na ng’yomsho ci.

NG'THU K'THUUK~ 18:23

Dukhaih ci naw ng’coi pa ne ng’thu pyen ci, cun ung phi buhmang ci naw akghat ah m’shang ci.

NG'THU K'THUUK~ 22:7

Dukhaih ci gui cu bühmang ciah changshäm ah kyak ci gui, ngui na pu ung nang cu ngui ng’pu ciah changshäm ah na kyak ci.