JAMES 2:5 - Cho Bible Common Language 2016

⁵ Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

JAMES 2:5 Referans Kwoze

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

LUKA 6:20

Bawipa Jesuh naw ang düihpüi gui tän ne teng gui netah, “Pyam tham ciah chang gui yeikyai vä, Khanpughi ah Uknak khaw cu nangmi ah khaw ah kya ci.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

LUKA 12:21

Cun kawn ah akhnu ah Bawipa Jesuh naw, “Ngui ghui khawhchaam akda am küm ung phi, Khanpughi ah maa ah ghawipyam ciah chang cu, ashin ah bühmang ciah chang awn täng ci nei” cine m’thein gui ci.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

1 KORIN 2:9

Cun ung phi cacim ung; ‘Chang naw kä a hmuh man, kä a ng’yak man, Cun ah kya lawk khai ciah chang naw kä a ngaih-tüh man, gui cu, Khanpughi naw ani m’hni ciah chang gui ah hmawk ah pyamtham pyi ci” ciah om ci.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

JAMES 1:9

Pyamtham ciah khritha tumat cu Khanpughi naw a yu chaan tu ah a kyak ung yeikyai sä,

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

1 TIMOTHI 6:18

Ak ni ami bilawh vai, ni kyom nak ung ami plümshau vai, ami khaailaang vai, la chang am ami peiktaak thei vai ah nam cäi gui vai nei.

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

2 TIMOTHI 4:18

Bawipa naw kei cu shetkat nak phung ung nak phiawn ne, amät ah Khan mawpi uknak ah ngaih gep vai ah na hteh püi khai nei. Ani ung bämang nak cu ngawiyä khäng ne om sä! Amen.

2 THESSALONIAN 1:5

Shin ah abi nak gui ung Khanpughi ah m’khoichaa nak gui cu düng sei, nangmi cu Khanpughi ah kho awn khinkha ciah nami kya lawk khai, acun ah kho ah hmawk ah nangmi cu nami yaica ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

ZEKHARIAH 11:7

Htome gui hleih ci la yoi ci naw, kei cu na ng’vat sei, kei cu ami ngawn gui vai ah htome gui shäm ciah ka kya lawk ci. Kei naw ng’shopawng hnih ka lak ci: tumat cu “M’htei nak” ah sui ne, tumat cu “Kawng ät nak” ah ka sui ci. Kei naw htome gui cu ka m’htei ci.

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

JOB 34:10

Nang ngai vä, hmuhmat ciah chang gui, M’gäi ciah Khanpughi naw cheishoh nak bik khai ma?

PHYAWN NAK 20:6

Cun ung phi kei na m’hni ne ka thukhän läk ci gui ah khan ah ng’shon phia khüt ung ka m’hni nak ka m’dang ci.

JAMES 1:16

Ka phäi nau gui aw, kä nami ng’laklo-en vai nei!

1 THESSALONIAN 2:12

Thamah nak kami ning pe gui ci, m’lung üp ngaih gep nak kami ning pe gui ci, amät ah uknak kho kyong ung lut tu ne, abämang nak nami gah tu vai ah, ning khü gui ciah Khanpughi ah ang yak hlü ah nami ghin vai ah kami ning thawhlet sak gui ci.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

2 KORIN 4:15

Shin gui avan cu nangmi ah hmawk ah kyak ci; Khanpughi ah m’gein nak gah ci da law pipi ne, Khanpughi ah bämang nak m’hlüngtai ne taigü ci phi da law pipi khai khai nei.

JOHAN 7:48

Mi ng’vai gui la Pharise gui ung kaa, ani yum ciah chang om ne ang?

LUKA 22:29

Kapa Khanpughi naw uknak vai ana peit ah mäih ah nangmi-am ka ning pe gui ci.

MAKUH 7:14

Cun kawn ah Bawipa Jesuh naw chang gui cu a pei ah khü ba gui netah, a pyein ba mä cu, “Kei ah ng’thu cu nami van naw ngai ne, hmat yawp vä.

ZEKHARIAH 11:11

Cun ah kyasei cun ah hnüüp ung thukhän cu phyeit ah kyak ci. Htome hleih ci la yoi ci gui naw kei cu na teng u neta, kei ah bi nak ung Bawipa naw ng’thu pyen ci, cicu hmat ci gui.

ZEPHANIAH 3:12

A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.

NG'THU K'THUUK~ 8:32

“Tuhbäi, chang nong gui, na ngai vä. Ka pyen ah na bi vai, cun ung na yeikyai khai.

NG'THU K'THUUK~ 7:24

Tuhbäi ka hta na ngai ä, a i ka pyen cu na geing nak vai.

JOB 38:14

Kho hnüüp dei naw khogui, khomhtung gui cu Suinu ang khep ah mäih la m’dek k’thau chüt ne m’hnüt ah mäih ah m’düih ci nei.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

SUKI GUI 9:7

Cun ah a mawng cu Jotham naw ng’ya neta, Kerizim m’htung lai ah hteit ne ng’düi ne, m’lau ne a pyen nak gui cu, “Na ngai vä, Shekhem chang gui aw, cun ung Khanpughi naw ning ngai gui khai nei!

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

NG'THU K'THUUK~ 13:7

Chang amshah cu bühmang ciah ng’shei ci, cun ung phi a i kä tak ci. Chang amshah cu pyamtham ciah ng’shei ci, cun ung phi khawh akda tak ci.

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.