JAMES 2:25 - Cho Bible Common Language 2016

²⁵ Acun ah mäih ah hlawhlaang ciah Rahab ah mawng cu kyak ci. Ani naw Israel chang sübük ci gui cu, dou gui netah phyawng ne alam hei ung ami hteh ba vai ah m’thei gui ci. Cun ah a hnünthawh nak awn ani cu Khanpughi ung düng nak gah ci.

JAMES 2:25 Referans Kwoze

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

JOSHUA 2:15

Rahab cu mang gaw paang pei ah cawjh ah im ung om ci kia ne, ani naw cun ah chang goi cu im kawt ungka naw gui awn yuk chah goi ci.

JOSHUA 2:4

“Ani naw m’shang ne, “Chang gui ka im ah law hman ci gui nei, cun ung phi a hawi ah kaa ami law kä ka hmat ci. Ngami cu khohni a hang kyak sangung, mang gaw m’kawt kä ami khai pha ung htie ba ci gui nei. A hawi täng ah ani hteh kä ka hmuh goi ci, cun ung phi ang ghit ah nami k’täm goi ung nami pha goi khai nei” cik ci. (Rahab naw ng’däät cu m’dii cih khan ah kai püi goi neta, m’kum gong a tha nak ah kaa ah thup goi ci.)

JOSHUA 6:17

Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MATTHE 1:5

Salomon ah hta Boaz (anu cu Rahap) Boaz ah hta Obet (anu cu Ruth), Obet ah hta Jesse, Jesse ah hta David ghangpughang ah kiak ci.

JAMES 2:22

A yum nak la a hnünthawh nak ang cawih cu kä nami hmuhmat ci maa? A hnünthawh nak naw a yum nak cu kümbe sak ci nei.

JAMES 2:18

Cun ung phi chang tumat mat naw, “Chang tumat ung yum nak om ci, ahei tumat ung hnünthawh nak om ci,” cine, a kyak law ung, Kei naw “Hnünthawh nak kä om ciah yum nak cu nam hnuh vä, kei naw ka hnünthawh nak awn ka yum nak cu ka ning m’hnuh gui khai nei,” cine ka pyein khai.

JOSHUA 2:16

Ani naw, “Khawgui täng ah hteit ni ä, kä cun ung ghangpughang ah chang gui naw ning hmu goi khai gui nei. Ngami kä ami ng’hlah law ba pha ah chuih hnüüp thum ung acu ah nani ng’thuh vai nei. Cun kawn ah nani hteh ba vai nei.

LAMKTU 17:7

Shin ah chang gui naw Jesuh ming nak ciah Ghangpughang a hei om ci ci u ne, nang ghangpughang ah thukhän cu plawh ci gui nei” cine m’lau ne pyein ci gui.

JAMES 2:24

Chang cu ayum nak bäng awn ah kä kyak ci, a hnünthawh nak awn, Khanpughi ung düng nak a gah cu nami hmat ci nei.