JAMES 2:23 - Cho Bible Common Language 2016

²³ “Abraham cu Khanpughi yum ci, ayum nak awn ani cu, Khanpughi naw chang düng ah k’bääi ci,” ciah cacim lawk cicu akcang ah kiak ci. Cun ah kyasei Abraham cu Khanpughi ah teihpüi ah khü ci gui.

JAMES 2:23 Referans Kwoze

ATÜNNAK 15:6

Abram cu Bawipa yum ci kya ne, a yum nak cu Bawipa naw yei ne dou pek ci.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

KALATIAN 3:6

Abraham ah mawng cu mi ngai shüm kaw; cacim naw, “Abraham naw Khanpughi yum ci, a yum nak awn Khanpughi naw chang düng ah dou ci” ciah pyein ci.

PHYAWN NAK 33:11

Chang naw ateihpüi ang htau püi ah mäih ah Bawipa naw Moses cu hmai ng’chum ne ng’htau püi ci. Cun kawn ah Moses cu hmun im ah law ba ci. Cung phi ani bawm tuk ciah chang nong Nun ah hta Joshua cu phung ah kyong ah om shüt ci.

ROMAN 11:2

Khanpughi naw ak htük ge ung a ghü ah ak chang gui cu kä hnu ng’tuk püi ci. Cacim theing ung Elijah naw, Israel chang gui cu hnu ng’tuk püi gui ne, Khanpughi ah maa ah ng’thu a pyein cu nami hmat khai nei.

KALATIAN 3:22

Cun ung phi, cacim naw, m’dek ah khan avan cu, katnak ah hlüngtai nak ah kaa ah om ci nei, cine pyein ci. Cun ah kyasei Bawi Khrit yum nak ung phung ciah a shaitaak ah m’shumphyuk nak cu, yum ciah chang gui naw gah ci gui.

JOB 16:21

A teihpüi ah phä ah ng’thu pyen ciah chang ah mäih ah kei ah phäh ah Khanpughi ah ma ah ng’thu pyen khai cu ka ng’ya hlük ci nei.

ROMAN 9:17

Khanpughi naw Egypt ghangpughang Pharaoh am, “Kei naw nang ghangpughang ah ka ning m’düih cu, nang awn ka hlüngtai nak cu m’dang ne, m’dek ah khan avan ung kei ah ka hluicang nak cu a gawk vai ah hmawk ah kyak ci,” ciah a kyak nak cu cacim theing ung om ci.

LUKA 4:21

Bawipa Jesuh naw, “Shin ah cacim ung om ci cu, tuhbäi nami ng’yak ah mäih ah küm pyi ci nei” cine pyein ci.

MAKUH 15:27

Bawipa Jesuh awn a täng ah m’guk-ei pahnih cun phi akpat lam ah tumat ak eng lam ah tumat ah kutlamtung ung tai ne ngawn tuk ci gui.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.

1 PETER 2:6

Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.

2 TIMOTHI 3:16

Cacim Theing avan cu Khanpughi naw Mumcha hlüngtai nak awn ak be ah kyasei, thu thuuk m’theithang nak, m’cäi m’ä nak, cheishoh m’dang nak, sheitkat pyan nak, la düng sei ghin nak vai ah m’shümthein nak gui ah mawng ah kyak ci.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

JAMES 2:24

Chang cu ayum nak bäng awn ah kä kyak ci, a hnünthawh nak awn, Khanpughi ung düng nak a gah cu nami hmat ci nei.

1 GHANGPUGHANG GUI 4:5

Khawpäng uktu gui: Nathan ah hta Azariah Mang Im uktu: Nathan ah hta taigü Zabud