JAMES 2:19 - Cho Bible Common Language 2016

¹⁹ Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

JAMES 2:19 Referans Kwoze

LUKA 4:34

Nazaret ah kaa Jesuh awi, nang cu keimi awn a i ah na ng’mäihyah ci ang? Na na m’di gui khai ah ang na law? Kei naw, nang cu a u ah na kyak ah ka ning hmat ci nei, nang cu Khanpughi ah theingcim ciah ng’shä k’ni ah na kyak ci nei” cine pyein ci.

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

LAMKTU 16:17

Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

THULÄÄN NAK 6:4

“Israel gui, shin cu shüm ba vä. Bawipa amät bäng cu mikmi ah Khanpughi nei.

KALATIAN 3:20

Cun ung phi chang tumat bäng naw abi ah kya ne, ng’shä kä hlü ba ci: Khanpughi cu tumat bäng ah kyak ci.

ISAIAH 44:8

Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”

LAMKTU 19:15

Cun ung phi khoshe naw, “Jesuh cu ka hmat ci, Paul ah mawng phi ka hmat ci, cun ung phi, nang mi cu a u gui ang?” cine ng’shi gui ci.

MAKUH 5:7

“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.

MAKUH 12:29

Bawipa Jesuh naw, “Israel chang gui, ngai vä, mikmi ah Bawipa Khanpughi cu tumat bäng nak ciah Khanpughi ah kyak ci.

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

ISAIAH 45:6

Kei naw shin ah ka bi ah phäh ah vang khocawi ah ka naw, vang khocawi ung khüt sei, chang nü naw, kei Bawipa ah ka kyak la a hei khanpughi kä om ci, ci cu hmat lawk khai gui.

ROMAN 3:30

Khanpughi cu tumat bäng om ci, Jew chang gui cu ami yum nak awn amät ung düng sak gui khai; acun ah mäih ah chang khui hei gui cun phi ami yum nak awn amät ung düng sak gui khai.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

MAKUH 7:9

Cun kawn ah mä Bawipa Jesuh naw, “Nangmi naw nami mät ah m’theithang nami läk hlawt vai ah Khanpughi ah thukhän cu, k’phiui hnawk ne nami theileh aih ci nei.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

JONAH 4:4

Bawipa naw, “Nang ung na m’lungshe nak hning vai a i om ne ang?” cine kyak nak ci.

JONAH 4:9

Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.