JAMES 2:14 - Cho Bible Common Language 2016

¹⁴ Chang tumat cu ka yum ci nei, cine thu akni ah a pyein ung phi a hnünthawh nak ung kä ang dang ung, bä tuk khai ang? Cun ah yum nak naw ani hun hning khai ang?

JAMES 2:14 Referans Kwoze

LUKA 6:49

Kei ah pyein ah ng’thu theing cu ng’ya lang ne, kä läk ciah chang cu bigin ung khui shawk ne im co ci awn täng ci. Ani cu kho khi ne aa ne tuinu ang güüt law ung ng’gäi ne maih yawp khai” cine m’cäi gui ci.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

2 PETER 1:5

Cun ah kyasei nami yum nak cu nikiom nak awn, nami nikiom nak cu Lulang nak awn,

JAMES 2:26

Cun ah kyasei, mümcha kä om ciah pumsa cu ak si ah a kyak ah mäih ah, hnünthawh nak kä om ciah yum nak cu aksi ah kyak ci.

HEBRU 11:17

Khanpughi naw Abraham ah yum nak am nüm nak ung, Abraham naw a hta Issak küikyan nak ah a ap cu yum nak ah kyak ci. Abraham cu Khanpughi naw a shaitaak püi ah chang tumat ah a kyak ung phi, tumat bäng ah a htapa cu ap ge khai ah pawng ci.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

JAMES 2:18

Cun ung phi chang tumat mat naw, “Chang tumat ung yum nak om ci, ahei tumat ung hnünthawh nak om ci,” cine, a kyak law ung, Kei naw “Hnünthawh nak kä om ciah yum nak cu nam hnuh vä, kei naw ka hnünthawh nak awn ka yum nak cu ka ning m’hnuh gui khai nei,” cine ka pyein khai.

LAMKTU 8:21

Khanpughi ah ma ah nang ngaih käng düng ci kyasei kei mi ah bi nak ung, nang kä na bi tuk khai.

MATTHE 5:20

Kei naw akcang ka pyein cu, Khanpughi ah ang yak hlü ah om nak ung, Pharisee gui la thukhän saya gui ah mä, kä nami bä pi ah a kyak ung khankho ah kä nami gawk hlawt khai.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

1 THESSALONIAN 1:3

Mi Pa Khanpughi ah ma ah nami yum nak cu akcang ah dang khai ah, a i hlawk ah nami om ih ah mawng, nami m’hni nak naw a i hlawk ah a ning khüghat sak gui ah mawng la Bawipa Jesuh Khrit ung nami ngaih u nak a i hlawk ah a khänhtek ah mawng cu kami shüm hmat ci nei.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

1 KORIN 15:2

Cun ah Thu Ni cu kei naw nangmi ah maa ah ka pyein ah ng’thu ah kyak ci. Cun ah Thu Ni cu khäng khai ah nami k’pan ah a kyak ung nangmi cu hun nak nami gah khai, Kä cun ung nangmi ah yum cu a kholä ah kyak khai.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

JAMES 2:16

“Khanpughi ning m’shumphyuk gui sä, awh ci sui ne, phü ne ei vä,” cine akni ah thu püi gui düt ne, a i kä peit taak gui ung, bä khai ang?

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

LAMKTU 8:13

Simon amät cun phi yum law tu netah, tui ng’hnim tu neh Philip ah pei ah om tuk ci. Ani cu cäi aih gui vai lah ngaih khit gui vai cu hmu netah ang htei ah cäicat ci.

JEREMIAH 7:8

“Teng vä! Hleeihlak ciah thu ung nami ngaih gep ci nei.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

ROMAN 2:25

Nang cu thukhän na läk ah a kyak ung, vun-ah nak na bi cu ak küikyang ah kyak ci, cun ung phi nang cu thukhän nam shet ciah a kyak läi ung, vun-ah nak kä na bi tu ling te ung ni pi khai sü ah kyak ci nei.

LUKA 3:11

Johan naw, “K’htu ng’yung goi om ci naw kä om ci-am ng’yung ät m’thuh tu sä, ei vai om ci naw kä om ci-am m’bei tu sä.

JAMES 1:16

Ka phäi nau gui aw, kä nami ng’laklo-en vai nei!