JAMES 2:12 - Cho Bible Common Language 2016

¹² Cun ah kyasei phiawn nak ah thukhän awn, m’khoichaa nak gah khai gui ah, chang gui ah mäih ah, nami om ih vai nei.

JAMES 2:12 Referans Kwoze

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

JOHAN 8:32

Nangmi naw düng nak cu nami hmat khai, düng nak naw nangmi cu ning m’hlawt gui khai,” cine pyen na gui ci.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.