JAMES 1:5 - Cho Bible Common Language 2016

⁵ Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

JAMES 1:5 Referans Kwoze

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

2 SHONTÄP NAK 1:10

Cun ah kyasei ngami ah khan ah ka uknak hning vai ah kei ung hlü ciah cüivai nak la lunglang nak cu na yuk pe ä. Kä cun ung shin ah dämduh ciah na chang gui cu kei naw a i hawkcha ah ka uk gui khai aw?” cine m’hlan ba ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

1 JOHAN 3:22

Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

PHYAWN NAK 31:3

Ani cu ka huham awn ka k’be ci. Kei naw ani am, guk then shehpyan nak ung hmuhmat nak, theithang nak, m’khütnäng nak ka pek ci,

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

PHYAWN NAK 31:6

Kei naw Oholiab phi ka ghü ci, Ani cu Ahisamach ah hta, Dan pakhui ungka ah kyak ci. Ani cu Bezalela awn a täng ah bik khai goi nei. Kei naw a hei theithang ciah bi thei chang gui am phi, aküikyang ah m’khütsheng nak cu ka pe gui ci. Cun ah kyasei kei naw bi vai ah ka bäi phung cu ngami naw bi thei ci gui. Cun gui cu:

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

1 SHONTÄP NAK 22:12

Bawipa na Khanpughi naw akthuuk hmat nak la cüivai nak cu ning pe sä, cun ung nang naw Israel khaw cu ang thukhän ah mäih ah na uk khai.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

MATTHE 11:20

Bawipa Jesuh naw cäi aih gui vai am dang nak pyii ah pigaw gui cu, katnak ungka ng’yu ba nak kä om khätah, shin ah yüi ne m’cäi gui ci.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.