JAMES 1:27 - Cho Bible Common Language 2016

²⁷ Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

JAMES 1:27 Referans Kwoze

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

1 TIMOTHI 5:4

Cun ung phi cun ah hmeinu ung a hta gui, atu gui, a om ah a kiak ung ngami cu ami mät ah kyongkhui ung ami yum nak ah mawngma la tu m’bei m’ghinsei gui ciah ami nupa pupi gui, ami m’hteihtang tuba vai ah mawngma gui cu ami theithang ma vai nei, cun cu Khanpughi ah ng’yak hlü ah kyak ci.

SAM 119:1

Yeikyai nak om ci gui cu a ghing nak ung cheishoh nak kä om sei, Bawipa ah thukhän ung ghing ci gui ah kyak ci.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

SAM 68:5

Theingcim ciah Taigüim ung om ciah Khanpughi naw hmei hta gui cu tengkhen gui ne, hmeinu gui cu m’hteihtang gui ci.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

THULÄÄN NAK 14:29

Cun cu Levit gui ah hmawk ah kyak ci. Ngami khaw kä tak ci gui, khaw hei chang gui, hmeinu gui, hmeihta gui, nami gawnu ung om ci gui ah phäh ah phi kyak ci. Ngami cu law u ne ami ng’yak hlü cu gah khai gui. Cun ah nami bi vai, cun ung Bawipa nami Khanpughi naw, nami bi nak päng ung hriham ning pe gui khai.

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

MATTHE 12:32

Chang ah Htapa m’shetkat ne ng’thu cicu m’gein hning ung phi, Mumcha Theing m’shetkat ne ng’thu ci läi cu, ngawi yä güt m’gein nak kä om hlawt khai.

ROMAN 2:13

Chang cu thukhän ng’yak nak düt awn Khanpughi ah ma ah ng’düng ciah kä kyak ci, thukhän ah pyein läk ciah chang cun vah, Khanpughi ah ma ah ng’düng ciah kyak ci.

KALATIAN 3:11

A u chang phi Thukhän awn Khanpughi ung düng nak kä gah ci, ci cu dang ci, a i ah kyasei ci ung, cacim ung, “Zum nak awn Khanpughi ung düng ciah chang cu, ghing ne om khai.”

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

JAMES 3:9

Mikmi naw Khanpughi Bawipa mi m’hlüngtai nak ung m’lei cu mi mang ci, Khanpughi naw amüi ah a tüi ah mi chang paw mi yüihgen nak ung phi, m’lei bä mi mang ci.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.

2 PETER 2:20

Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.