JAMES 1:26 - Cho Bible Common Language 2016

²⁶ Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.

JAMES 1:26 Referans Kwoze

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

SAM 141:3

Bawipa, ka m’gawng cu na ngäng pe ä, ka m’nei m’kawt cu na k’bawm ä.

1 PETER 3:10

Cacim theing ung, “Ak ding ak gei ah ghing ne, akni ak kyom ah om hlük ciah chang naw, ang thu m’gawng cu a khäm vai, am leidang ung hleeihlak nak kä a om men vai.

EPHESIAN 5:4

Ng’li ng’pyaan nak, ng’plahtaang nak, shaila lalei nak ah ng’thu phung kä nami pyein vai nei. Cun ah mäih ah thu nak vai sü ung Khanpughi bäng nami m’kümto vai nei.

NG'THU K'THUUK~ 19:1

Dukhaih pang ne phi dung ciah chang cu, hleehlak omshe ciah ta ba pi ci.

SAM 34:13

Akshe ah kä nami ng’thu vai, nami hleei kä nami pyen vai.

NG'THU K'THUUK~ 10:31

Düng ciah chang gui cu cüivai ne ng’thu ci gui, Cun ung phi akshe ah ng’thu ciah m’lei cu maih khai.

NG'THU K'THUUK~ 10:19

Akda ah ng’thu ung katnak om ci, cüvai ciah chang cu adüm ah om ci.

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

NG'THU K'THUUK~ 16:25

Dung ciah nami ngaih ah lam naw sih nak ung ning hteh pui gui khai.

LUKA 8:18

Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

NG'THU K'THUUK~ 14:12

Dung ciah lam ah na ngaih naw sih nak ah ning hteh pui khai.

THULÄÄN NAK 11:16

Bawipa ungka naw a hei ah ng’plon ne a hei khanpughi gui ah bii bi vai ah nami mät naw nami mät kä nami phleng en vai.

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

MAKUH 7:7

Ngami naw kei ah ami taigü cu A kholä ah kyak ci nei. A i ah kyasei ci ung ngami naw chang ah Pian ah thukhän gui cu, Khanpughi ah thukhän ah mäih ah m’theithang ci gui nei” ciah kiak ci nei.

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

NG'THU K'THUUK~ 21:26

Ami bi gui avan cu ami mät ah bi hlü ah ami bi ah kyak ci. Düng ciah chang naw ai ah a kyak ung phi pe hning ci, kä ng’vang ne pek ci.

1 KORIN 15:2

Cun ah Thu Ni cu kei naw nangmi ah maa ah ka pyein ah ng’thu ah kyak ci. Cun ah Thu Ni cu khäng khai ah nami k’pan ah a kyak ung nangmi cu hun nak nami gah khai, Kä cun ung nangmi ah yum cu a kholä ah kyak khai.

MATTHE 15:9

Ngami naw kei ami na khawihnah cu akholä ah kyak ci, A i ah kyasei ci ung, ngami naw chang ah pyan ah thukhän gui cu, Khanpughi ah thukhän ah mäih ah, m’theithang ci gui!” cine kyak na gui ci.

MALAKHI 3:14

Nangmi naw, “Khanpughi ah bi bi cu akholä nei, a pyen ah bi ne, hlüngtai ciah Bawipa ah ma ah mi bi lawh ah hmawk ah thüi sei nak m’dang cu a i ah bäni nak om ci ang?

ISAIAH 1:13

Deuthak nak nami law püi cu a khaw lä nei. Nangmi naw nami m’khih ah ang ui aha khu cu kei naw ka m’shem shai ci nei. Nami chathai pawi, kyinnak hnüüp la yum nak nami ng’bum nak ung kei kä ka om hning kahi; cun gui avan ca nami katuak naw m’di yawp ci.

1 KORIN 15:15

Sik ci gui ah thawh ba nak kä om ci, cicu akcang ah a kyak ung Khanpughi naw Bawi Khrih cu kä thawh ba sak khai sü te — Keimi naw, “Khanpughi naw Bawi Khrih cu sih nak ungka thawh ba sak ci nei” cine ng’thu kami pyein cun phi Khanpughi lam ah kami hleeihlak ah kyak ai.

NG'THU K'THUUK~ 16:10

Ghangpughang naw caciim huham awn ng’thu pyen ci. Ani ah m’hnut bai cu angta sei cang nak ah kyak ci.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

SAM 32:9

Ang ciah ng’se ah mäih ah kä nami kyak vai, The cu a nep vai ah am gawng ung gui awn khit ne kaih ah kyak ci” cik ci.

JAMES 2:20

Chang k’aang aw! Hnünthawh nak kä om ciah yum nak cu akholä ah a kyak ah mawng na hmat hlük ci ang?

KALATIAN 3:4

Nami bui aut gui ah mawng cu a kholä ah kya yawp ne maa? A kholä ah kä kya düt khai nei!

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

JOB 15:13

Nang naw Khanpughi m’lungshe na ne cäk cha ah na ng’thu ci nei.

JOB 30:11

A i ah kyasei ci ung Khanpughi naw kei cu am gein kaa, akthagui ken ah na pyang ci, Ngami naw kei cu m’lungso ne na ng’hlah tak ci gui.