JAMES 1:24 - Cho Bible Common Language 2016

²⁴ Hman a teng yah ung amüi kyom ciah ngai ci, cun ung phi, a hei ah a hteh ba kawn ah amüi cu kä shüm ba ci.

JAMES 1:24 Referans Kwoze

2 PETER 3:11

Cun ah a päng avan a dimaih yawp ah a kyak ung, nangmi cu a i mäih ah chang ah kya ne nami om khai ang?

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

LUKA 1:66

Cun ah a mawng gui cu Judea kho, khosiip lam avan ung thang yawp ci. Cun ah mawng ng’ya tuk ciah chang gui naw, “Cun ah ak hmaw cu a i ah mäih chang ah kya lawk khai ang?” cik ci gui. Cun ah ang htei kawn ah Bawipa ah hlüngtai nak cu ani ah khan ah om ci.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

MATTHE 8:27

Ang düihpüi gui cu cäicat u netah, “Shin ah chang cu a i chang leng leng ang, khokhi tui ng’hnawk naw phi ang thu ngai ci nei,” cine kyak ci gui.

SUKI GUI 8:18

Cun kawn ah Kideon naw Zebah la Zalmunna cu ng’shi goi ci. Tabor ung nami ngawn gui ah chang gui cu a i hawk cha ang?” Ngami naw m’shang ne, “Ngami cu nag ah mäih lawk ci gui, ak chang sing cu ghangpughang ah hta ah mäih lawk ci gui.”

JAMES 1:23

Thucim cu ngaiyak tu netah akcang ah dang khai ah kä mang ciah chang cu, hman ung a müi teng netah, a müi bäbä hmuk ciah chang awn täng ci.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.