JAMES 1:21 - Cho Bible Common Language 2016

²¹ Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

JAMES 1:21 Referans Kwoze

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

SAM 25:9

Am lung neim ciah chang gui lam düng m’shüm gui ci, Amät ah ng’yak hlü phi m’thei gui ci.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

TITUS 2:11

Khanpughi naw hnicim chang avan, hun nak a gah nak vai ah am gein nak cu dang sak pyi ci nei.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

HEBRU 4:2

Cau ng’vai gui ah mäih ah mikmi naw Thuni cu mi ng’yak ci nei. Ngami naw Thuni cu ng’yak ci gui, cun ung phi ngami ah phäh ah a bäkhäk nak kä om ci. A i ah kyasei ci ung ngami naw ng’yak u ne phi yum nak awn kä ami dou ah hmawk ah kyak ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

1 KORIN 15:2

Cun ah Thu Ni cu kei naw nangmi ah maa ah ka pyein ah ng’thu ah kyak ci. Cun ah Thu Ni cu khäng khai ah nami k’pan ah a kyak ung nangmi cu hun nak nami gah khai, Kä cun ung nangmi ah yum cu a kholä ah kyak khai.

ROMAN 6:17

Nang mi cu katnak ah khlei-htein ah nami kyak man ung phi, tuk bäi nami gah ah m’theithang nak cu, nami m’lung kyong avan nawn nami läk ah hmawk ah Khanpughi cu kam hlüngtai ci.

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

1 PETER 1:9

A i ah kyasei ci ung ani nami yum nak ah a phung ah kyak ciah, hun nak cu nami m’lung ung gawk sei nami gah pyi ah hmawk ah kiak ci.

ROMAN 11:17

Chang gui naw olive sing k’tui ah ng’ban cu m’chün u netah, pyupying k’thui ah ng’ban awn m’dün ne ng’ling ci gui. Pyupying k’thui naw, pyupying k’tui ah ang’yung la a ghing ung kaa, a ei auk tu ah mäih ah, nang mi khui hei chang gui naw cu Jew chang gui ungka mümcha ghin nak cu nami gah tuk ci.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

MATTHE 5:5

“Am lung hnip ne a om nik ciah chang gui yeikyai vä; Nangmi ung Khanpughi ah shaitaak cu kümbe khai!

ZEPHANIAH 2:3

Am lung neim ciah khaw chang gui ah ng’thu läk ciah chang avan Bawipa ah ng’hlat law vä. Düng ci bi ne Bawipa ah ma ah nami m’lung neim sak vä. Bawipa ah am lungshe nak ah khaw hnüüp ung nami phyawn nak vai om ei hman khai nei.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

EPHESIAN 5:4

Ng’li ng’pyaan nak, ng’plahtaang nak, shaila lalei nak ah ng’thu phung kä nami pyein vai nei. Cun ah mäih ah thu nak vai sü ung Khanpughi bäng nami m’kümto vai nei.

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.