JAMES 1:19 - Cho Bible Common Language 2016

¹⁹ Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

JAMES 1:19 Referans Kwoze

NG'THU K'THUUK~ 17:27

Amat ngaih gep ciah chang naw akphlütt ah ng’thu ka pyen ci. Ak kyäpnep ah om ciah chang ah m’lung kyong ung cang nak om ci.

NG'THU K'THUUK~ 21:23

Cümbawng nak kä om khai ah na om hlü ung geing na ne ng’thu na pyen vai.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

NG'THU K'THUUK~ 10:19

Akda ah ng’thu ung katnak om ci, cüvai ciah chang cu adüm ah om ci.

NG'THU K'THUUK~ 18:13

Ng’thu ka na m’shan phi ung na ngaih ma vai, ka cun ung nang cu shekha nak la päipih nak na gah khai.

NG'THU K'THUUK~ 13:3

Na ng’thu ng’htau geing na ne, na ghin nak na shungvong vai. Kä geing nak ah ng’thu ci naw amät m’di ci.

NG'THU K'THUUK~ 16:32

M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

KOLOSE 3:8

Tuhbäi nangmi naw m’lungshe nak, beishet nak la thüigen nak ah amawng gui cu avan nami phiawn nak vai. Ashekha la amsheshai cu nami m’gawng m’lei ung kä lut-en law sä.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

NG'THU K'THUUK~ 25:28

Na m’lungshe nak kä nak üüp hlawt ah a kyak ung vongpaang kä om ciah mang gaw tuk ghet vai ah auh ciah mäih ah am gein kaa ah na kyak khai.

NG'THU K'THUUK~ 14:17

M’lung she aiha ciah chang naw ak gu ang ah bii bik ci, cuivai pi cicu adüm ah om ci.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

JAMES 1:26

Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

LUKA 19:48

Cun ung phi chang akda naw Bawipa Jesuh ah ng’thu cu, aktung ah ngai ci gui kyasei, a i chaa ah ngawn vai cicu kä hmat ci gui.

MAKUH 2:2

Cun ah kyasei chang gui ng’bum law u ne, im kyong ung m’kawt law ah khüt khai ah be ci gui. Bawipa Jesuh naw cun ah chang gui-am Thu Ni cu m’thein gui ci.

NG'THU K'THUUK~ 19:19

Chang tumat cu amlung a sou ah a kyak ung, acun ah a phu cu ma na sak va. Cumbawng nak ungka ani cu hnu at na khui tu ah a kyak ung, leng ba ne na m’htei tu vai nei.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

LUKA 15:1

Akhawn look ci gui la changshe gui cu, Bawipa Jesuh ah ng’thu ngai tuk khai gui ah, a pei ah ng’et lawk ci gui.

NEHEMIAH 9:3

Bawipa ami Khanpughi ah thukhän cu nazi thum ung ami ma ah ami phat kawn ah, nazi thum bamä ung ami katnak ng’yu ba u neta, Bawipa ami Khanpughi cu khawihnah ci gui.

1 JOHAN 2:21

Ca ka ning guk law gui cu, thu thuuk kä nami hmat su ah kä kyak ci, thu thuuk hmat u ne, thu thuuk ungka hleeihlak nak cu kä law phung ci, cicu nami hmat ah hmawk ah kyak ci.

LAMKTU 13:48

Cun ah thu cu changpakhui hei gui naw ng’ya u netah yeikyai u ne, Bawipa ah thu ni cu m’hlüng tai ci gui. Ang täi ghin nak gah khai gui ah a ghü gui naw Bawipa Jesuh cu yum lawk ci gui.

MAKUH 12:37

Shin ung David amät naw Messiah-am Bawipa cine khü ciah kyasei, a i cha ah Messiah cu David ah hta ng’shon ah kya hning khai ang?” cine m’theithang gui sei chang gui naw yeikyai ne ngai yak ci gui.

NEHEMIAH 8:18

Pawi tün nak hnüüp ung tüi ne ang pyi ung khüt sei, Khanpughi ah thukhän avang cicu a hnüüp tä phat ci gui. Ngami naw cun ah pawi cu hnüüp chih ung bik ci gui, ak hnüüp cheit hnüüp ung thukhän naw ak thäh mäih ah khüüp pawi nak bik ci gui.

KHEI NAK 22:27

Tuhbäi läi sela naw khanchang hmu neta, ng’boop ci. Balaam cu m’lungshe aih neta, a htung tawn awn sela cu teiuh ci.

NG'THU K'THUUK~ 29:20

Kä ngaih-tüh ah ng’thu ng’htau ci cu, ak gu ang ah ta a ngaih u nak kä däm tuba ci.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

JAMES 1:2

Ka phäi nau gui aw, nami lam ung tüihtok nak a hlü hlü a gawk law ung, yeikyai nak vai nei, ciah nami yum vai.

JAMES 1:16

Ka phäi nau gui aw, kä nami ng’laklo-en vai nei!

JAMES 2:1

Phäi nau gui aw, nangmi cu Bämang ciah Bawipa Jesuh Khrit cu nami yum ciah kyasei, chang ah yodäm pyam mang teng ne kä nami om ih vai nei.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

JAMES 3:10

M’hlüngtai nak ah thu la yüihgen nak ah thu cu, m’gawng tumat ung lut lawk ci nei. Phäinau gui aw, cun cu kä bä ci nei!

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

JAMES 5:19

Ka phainau gui aw, nangmi ungka chang tumat cu, thudüng nawng ne lam hma khätah, a hei tumat naw lam düng ung a khü law tu ba ah a kyak ung;

JOB 32:16

Ngami dip ne ami om yah ung ka ning ngäng gui lä vai ma? Ngami cu ami pyen ba vai kä om sei ng’düi ci gui nei.