JAMES 1:16 - Cho Bible Common Language 2016

¹⁶ Ka phäi nau gui aw, kä nami ng’laklo-en vai nei!

JAMES 1:16 Referans Kwoze

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

KALATIAN 6:7

Ang lih ng’lat ah kä nami om men vai, a u chang naw phi Khanpughi kä m’hleei hlawt khai. Chang cu amät ah geit bä bä amät naw khäm ba khai.

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

HEBRU 13:1

Krihta ah kya ne tumat la tumat nami yumhni tu vai nei.

KOLOSE 2:4

Kei naw ka ning m’thein gui cu hleei pyein ne a u naw a i kä ning ng’cuh-en püi gui sä. Ngami naw a i hlawk ah nik ciah ami pyein ung phi kä nik khai nei.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.

PHILIPPIAN 4:1

Phäi nau gui aw, ang htei ah ning m’hni gui ne ka ning khaih na gui ci nei. Nang mi ah hmawk ah ang htei ah ka yeikyai ci nei. Kam hni ah phäi nau gui aw, Bawipa ung nami ghin nak khäng htek khai ah nami ng’düih vai nei.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

MAKUH 12:27

Ani cu sik ci gui ah Khanpughi ah kä kyak ci, ghing ci gui ah Khanpughi ah kyak ci, nangmi cu akcang ah cheishoh nak ung nami hteit pyi ci nei” cine kyak na gui ci.

MAKUH 12:24

Bawipa Jesuh naw, “Nangmi cu cacim phi kä nami hmat ci, Khanpughi ah hlüngtai nak phi kä nami hmat ci, cun ah kya ne nangmi cu lam nami hma ci.

MATTHE 22:29

Bawipa Jesuh naw, “Nangmi cu cacim phi kä nami hmat ci, Khanpughi ah hlüngtai nak phi kä nami hmat ci, cun ah kyasei nami m’lung ngaih cu ng’lat ci.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

JAMES 1:2

Ka phäi nau gui aw, nami lam ung tüihtok nak a hlü hlü a gawk law ung, yeikyai nak vai nei, ciah nami yum vai.

JAMES 2:1

Phäi nau gui aw, nangmi cu Bämang ciah Bawipa Jesuh Khrit cu nami yum ciah kyasei, chang ah yodäm pyam mang teng ne kä nami om ih vai nei.

JAMES 2:14

Chang tumat cu ka yum ci nei, cine thu akni ah a pyein ung phi a hnünthawh nak ung kä ang dang ung, bä tuk khai ang? Cun ah yum nak naw ani hun hning khai ang?

JAMES 3:1

Ka phäinau gui aw, saya hlük ciah chang kä da-en sä. Nami hmat ah mäih ah mikmi saya gui cu, chang hei gui ah mä, ng’cet pi khai ah m’khoichaa nak mi gah khai nei.

JAMES 3:10

M’hlüngtai nak ah thu la yüihgen nak ah thu cu, m’gawng tumat ung lut lawk ci nei. Phäinau gui aw, cun cu kä bä ci nei!

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

JAMES 5:19

Ka phainau gui aw, nangmi ungka chang tumat cu, thudüng nawng ne lam hma khätah, a hei tumat naw lam düng ung a khü law tu ba ah a kyak ung;