JAMES 1:11 - Cho Bible Common Language 2016

¹¹ Hni liing naw aghing cu chawng sak ne, apai cu kiawi sak ci, cun ah kyasei akiom nak cu dimaih ci. Acun ah mäih ah bühmang ciah chang cu, amät ah bi abi yah chung ung dimaih nak om khai nei.

JAMES 1:11 Referans Kwoze

MAKUH 4:6

kho ang ling law ung a pya kä khüi ci sei ng’yai ne chawng yawp ci gui.

MATTHE 13:6

Ng’lih pyo pang ne phi, m’dek ng’pam ci kya ne, kho naw a so law ung kä pya hlawt ne si ba yawp ci.

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

1 KORIN 7:31

M’dek khan khawhchaam ei mang ci gui cu, kä ng’bühbei ci gui ah mäih ah om u sä. A i ah kya sei ci ung tuhbäi shin ah m’dek ah khan cu, kä shou pha sei ng’pyi lawk khai ah a kyak ah hmawk ah kyak ci.

SAM 102:4

Kei cu khu chawng ah mäih ah na dep u sei, Ei ka ei hlü nak phi maih yawp ci nei.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

ISAIAH 28:4

Chang ah ng’shei ci gui ah ang vai gui ah baimang nak cu, a up vai am k’bit ne ei yawp vai ah m’theih htük ciah k’thei ah mäih ah mäih yawp khai.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

THUSHÄUTU 5:15

Shin ah m’dek khan ung a i kä law püi ah mi luh law ah mäih ah, a i kä hteh püi ah mi nawng shüt ci. Mi bi akda mi bi ung phi, cun avan cu mi mät awn atäng ah kä mi hteh püi hlawt ci.

SAM 102:11

Ka ghin nak cu mühun k’awi ung püpüi ah mäih ah kyak ci nei; kei cu khu chawng ah mäih ah ka kyak ci.

SAM 37:2

Ngami cu m’ghaw ah chawng ah mäih ah maih ge ne, khu ah sih ah mäih ah si ge khai gui.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

SAM 90:6

Cun cu ng’ghaw ne, m’guh ne, pai ci, cun ung phi mühun lam ah chawng ne sik ci.

SAM 103:15

Mikmi ah ghin nak cu khu m’ghaw ah mäih ah kyak ci. Mikmi cu bung ah chei pai ah mäih ah däm ng’ghaw ne, mi m’guh pai ci;

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?

MATTHE 20:12

Cun ah kya khätah ami ghüh gui naw, shin ah chang gui cu nayi ät ashäng hta vah bi bi tuk ci gui, keimi mü ne khohni ling ung kami bik ci. Cun ung phi nang naw ngami awn a täng düt ah na na cheng gui ci nei,’ cine lo mah ah pyein ba ci gui.

2 SAMUEL 22:46

Ngami ami k’tha maih ci, Ami mangpang ungka ng’hlet ne lawk ci gui.