JAMES 1:10 - Cho Bible Common Language 2016

¹⁰ bühmang ciah khritha tumat cu Khanpughi naw a yuk neim sak ung yei kiai sä. Bühmang ci gui cu cheipai ah mäih ah thuum ne ng’kawn khai gui nei.

JAMES 1:10 Referans Kwoze

1 PETER 1:24

Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

1 JOHAN 2:17

Khomdek khan la khomdek khan ah chang ah ng’yak hlü gui cu, ng’pyi lawk ci gui nei; cun ung phi Khanpughi ah ang yak hlü ah hnüntho ci gui cu, angtäi sei ghing khai gui nei.

JOB 14:2

Mikmi cu cheipai ah mäih ah a lawi ah pai ne alawi ah mi ng’yai ci; mikmi cu ang hnim ah mäih ah mi maih ci.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

1 KORIN 7:31

M’dek khan khawhchaam ei mang ci gui cu, kä ng’bühbei ci gui ah mäih ah om u sä. A i ah kya sei ci ung tuhbäi shin ah m’dek ah khan cu, kä shou pha sei ng’pyi lawk khai ah a kyak ah hmawk ah kyak ci.

SAM 103:15

Mikmi ah ghin nak cu khu m’ghaw ah mäih ah kyak ci. Mikmi cu bung ah chei pai ah mäih ah däm ng’ghaw ne, mi m’guh pai ci;

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 40:6

M’lau ciah k’aw tumat naw, “Ng’thu ng’shäu vä!” ci sei, “A i ng’thu ka ng’shäu vai ang?” cine ng’shi ung. “Shäu vä, hnicim chang avan cu m’ghaw ah mäih ah kyak ci nei; Ngami cu bung hmu ah cheipai ah mäih ah akshou kä om khai gui.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 102:11

Ka ghin nak cu mühun k’awi ung püpüi ah mäih ah kyak ci nei; kei cu khu chawng ah mäih ah ka kyak ci.

SAM 37:2

Ngami cu m’ghaw ah chawng ah mäih ah maih ge ne, khu ah sih ah mäih ah si ge khai gui.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

ISAIAH 40:7

Bawipa naw ami khan ah kho akhi law sak ah a kyak ung, m’ghaw gui cu chawng na, cheipai gui cu ng’yai khai nei. Chang gui cu m’ghaw ah mä kä näng tuba hning ci gui nei.