JAMES 1:1 - Cho Bible Common Language 2016

¹ Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

JAMES 1:1 Referans Kwoze

EZEKIEL 12:15

“Kei naw ngami cu ahei pakhui gui ah ng’lung, akhohei chang gui ah khaw ah ka püi pyang law sak gui ung, ngami naw kei cu Bawipa ah na hmat lawk khai gui.

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

LAMKTU 26:7

Cun ah shaitaak cu Judah pakhui gha-lei-goi naw, amü ak hnüüp Khanpughi ah taigü ne, ami ngaih u ah kyak ci. Ka ghangpughang! Acun ah kei naw ngaih u ne ka om ah hmawk ah Judah chang gui naw kat ami na k’sung ah kya ci nei.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

LAMKTU 15:13

Ngah ni naw a ni pyein yawp kawn ah James naw, “Phäi nau gui aw, na ngai tu vä!

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

LAMKTU 21:18

A ngawi ung Paul cu keimi awn a täng ah James hmuk khai ah hteit ci, cun yah ung a gham gui cu ana ng’bum ci gui.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

KALATIAN 2:12

Ani cu chang khui hei phäi nau gui awn vun vai ne ei aw te ci, cun ung phi James ah tüih law ah chang gui ami gawk law kawn ah, khui hei gui awn vun vai ne kä ei aw ba ci. A i ah kyasei ci ung ani naw, khui hei gui-am vun-ah nak kä bi sak tu gui vai ah pyein ciah chang gui cu a kyih su ah kyak ci.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

LAMKTU 15:21

A i ah kyasei ci ung, cau ä tün ne, apigaw päng pum im gui ung, kyin hnüüp phung ung Moses ah thukhän gui cu phat ne, thu awn phi pyein lä ah kya ci” cine pyein ci.

LAMKTU 1:13

Ngah mi cu pigaw ah gawk u ne tah, ami im kai ah im kyawng ah lut ci gui: cun gui cu, Peter, Johan, James, Andru, Philip, Thomas, Bartholome, Matthe, Alfeas ah hta James, Simon ak ling lah James ah hta Judas gui ah kyak ci.

MATTHE 13:55

Ani cu m’si sheh a hta ah kä kya ne ang? Ani cu Mary ah hta, a nau gui cu James, Josef, Simon la Judas ah kä kya ne ang?

1 GHANGPUGHANG GUI 18:31

Ani naw lung gha lei goi cu lak ci, Jakob ah hta gui pakhui gha lei goi ah phäh ah tumat ciah kyak ci, Jakob cu Bawipa naw Israel ah aming a sui ah kyak ci.

THULÄÄN NAK 30:3

Bawipa nami Khanpughi naw ning chimgein gui khai. Ani naw a ning püipyang sak nak gui ah chang gui ah khaw ungka naw ning law püi ba gui khai. Cun kawn ah ning bühmang sak ba gui khai.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

EZRA 6:17

Cun ah ap nak ung ngami naw seipat phia, htome phia goi, la htome hta phia phli cu khawihnah nak ah bi u ne, Hmakat douthak nak ah me gha lei goi, Israel pakhui tumat ah phäh ah tumat ciah kyak ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

PHYAWN NAK 39:14

Shin ah lung gha lei goi ung tumat ciah khan ah Jakob ah hta gha lei goi ah ming gui cu vüt ne guk ah kyak ci. Cun cu Israel pakhui gha lei goi m’dang nak ah kyak ci.

PHYAWN NAK 24:4

Bawipa ah ang thumkhän cu Moses naw avan guk ci. A ngawi ung khaw ngawi hta Moses naw m’htung nawi ah sonkiang co neta, lungtung gha lei goi ng’ling ci.

THU PHLAAN 7:4

Cun kawn ah Khanpughi ah mhnüt nak awn ami m’calai ung ami mhnüt gui cu 144, 000 lawk ci, cicu ka ng’yak ci. Ngami cu Israel pakhui gha-lei-goi ungka ah kyak ci gui.

LAMKTU 2:5

Cun yah ung khomdek ah khan, khaw nüng ah ka lawk ciah yum nak om ci guiah Judah chang gui cu Jerusalem ah om yah ci gui.

LUKA 22:30

Nangmi cu kei ah uknak kho ung kei awn a täng ah nami ei aw tuk khai. Cun kawn ah mang ah kiang ung ngo u netah, Israel pakhui gha-lei-goi cu nami uk khai nei” cik ci.

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

ESTA 3:8

Cun ah kyasei Haman naw ghangpughang am, am thein cu, “Na uknak ah khaw avan ung püi ne om ciah changpakhui tumat om ci, cun gui cu khopäng päng ung hmuh gui vai kyak ci, Ngami ah thungyo cu ahei chang gui ah thungyo awn kä täng ci. Ngami naw uknak khaw ung thukhän gui cu kä läk ci gui. Cun ah kyasei nang naw m’lung sau ne na om ung kä bä khai nei.

PHYAWN NAK 28:21

Shin ah lung gha lei goi ung tumat ciah khan ah vüt ne, Jakob ah hta chang gha lei goi ah ming cu tumat ciah guk vai. A cun naw Israel pakhui gha lei goi cu dang sak ci.

2 TIMOTHI 4:21

Kho kä ak sik pha ung na law vai ah nak tha nak vai nei. Eubulus, Pudens, Linus, la Klaudia ni gui la Krihta phäi nau avan cu ka yavaih na gui ci nei.

LAMKTU 23:26

“Klawdius Lisias naw Gawmang Felix ah chang m’sui nak awn ca gu lawk ci nei.

LUKA 6:15

Matthe la Thomas, Alphaeus ah hta James, la apakhui m’hni pi ciah Simon,

MAKUH 3:18

Andru, Philip, Bartholome, Matthe, Thomas, James (Alphaeus ah hta), Thaddaeus, Simon (küi khän nak om ci), la

THULÄÄN NAK 32:26

Kei naw htin khai ah kam di gui khai. Cun ung a u naw ngami kä shüm ba gui khai.