ISAIAH 9:9 - Cho Bible Common Language 2016

⁹ Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

ISAIAH 9:9 Referans Kwoze

ISAIAH 46:12

“Näng nak vai cu shou aih ciah ngai ci nei, lingkeng ciah chang gui, na ngai vä.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

MALAKHI 3:13

Bawipa naw, “Nangmi naw kei ah mawng cu akshe ah nami pyen ci, Cun ung phi nangmi naw, Nang ah mawng a i ang kami pyen?” nami cik ci.

EZEKIEL 33:33

Cun ung phi na ng’thu gui avan bä law ne — cun gui abä law ung — cun kawn ah ngami naw ami ng’lung ah prophet om ciah hmat khai gui.”

EZEKIEL 30:19

Shin ah kei naw Egypt cu ka m’kyuk law ung, ngami naw kei cu Bawipa ah na hmat khai gui.”

EZEKIEL 7:27

Ghangpughang cu thüisei khai mang hta gui cu ang ngaih u kaa ah kyak khai gui, chang gui cu kyi ne ng’hlet khai gui — Nangmi naw name bi gui avan ah phäh ah kei naw ka ning m’kyuk gui khai, nangmi naw chang hei gui name m’khoi cha ah mäih ah ka ning m’khoi cha gui khai. Acun naw kei cu Bawipa ah ka kyak ah mawng ning m’dang gui khai.”

EZEKIEL 7:9

Kei naw nangmi kä ka ning phiawn gui khai, chimgein nak api phi kä ka ning m’dang gui khai. Nang naw shemshai ci gui na bi ah phäh ah kei naw ka ning m’kyuk lawk khai, cun ung nang naw kei cu Bawipa ah nah mat khai, kei cu nang ning m’kyuk ciah tumat ah ka kyak cu nah mat khai.”

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

ISAIAH 48:4

Nangmi cu lingkeng u ne, m’si ah mäih ah kyei ah mäih ah nami m’liu ci, cicu kei naw ka hmat ci.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

1 GHANGPUGHANG GUI 22:25

Mikaiah naw, “Nang cu a hnu täng a khan kyong ah na ng’thup khai ah na hteh law ung na hmuk khai nei” cik ci.

ISAIAH 7:2

Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.

ISAIAH 9:8

Bawipa naw Israel ah uknak khaw Jakob ah hta ng’shon gui ah khan ah ng’thumcha nak cu ng’shäu pyi ci nei.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

ISAIAH 28:3

Cun ah awktat ciah ang vai gui ah chang ah ng’shei nak cu khaw awn kahta na ne kai nak khai gui.

HOSEA 8:14

“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.