ISAIAH 9:7 - Cho Bible Common Language 2016

⁷ Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

ISAIAH 9:7 Referans Kwoze

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

DANIEL 7:27

Khomdek khan ung uknak khaw avan ah huham la dämduh nak cu hlüngtai ciah Khanpughi ah chang gui am pe gui khai gui. Ngami ah bawimang huham cu kä ng’pyi hlawt khai, Khomdekkhan ung uktu avan naw ngami ah bii bi u ne, läk gui khai gui.”

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

HEBRU 1:8

Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

ISAIAH 37:32

Jerusalem la Zion m’htung ung k’pawih khai ah chang gui om khai gui nei, a i ah kyasei ci ung m’gäi ciah Bawipa naw cun ah kya lawk khai ah akbäi pyi ah kyak ci nei.

ISAIAH 16:5

Cun kawn ah David ah hta ng’shon ungka tumat cu ghangpughang ah kya lawk khai, ani naw chang gui cu bekhüt nak la m’hni nak awn uk gui khai. Ani naw hman cicu ang ghit ah bik khai nei, ani naw taga ciah bi cu teng khai nei.)

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

2 GHANGPUGHANG GUI 19:31

Jerusalem la Zion ung k’pawih ba ciah chang gui cu om khai gui, a i ah kyasei ci ung a cun ah kyak khai ah Bawipa naw ak bäi pyi ah kyak ci.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

JOHAN 12:34

Chang gui naw, “Keimi ah thukhän ung, Messiah cu angtäi ah ghing khai, ciah om ci; chang A Htapa cu m’dek ungka han k’phäi nak gah khai, na cicu a i ang? chang ah Htapa cu a u ang?” cine ng’shik ci gui.

HEBRU 7:24

Cun ung phi Bawipa Jesuh cu angtäi ghing ci kya ne, Taigü ah kia ne khuut abi cun phi a hei ah kut ung kä gawk hlawt ci.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

ISAIAH 40:10

Uktu Bawipa cu a huham awn uk khai ah lawk ci nei. Ani naw a gun ah chang gui law püi gui ci nei.

ISAIAH 42:13

Bawipa cu gaktu ah mäih ah ng’tuk bik khai ah lut lawk ci nei; Ani cu ng’tuk vai ah pawng ge ne ng’tawt sheng ci nei. Ani cu ng’tuk bi vai ah m’lau ne ng’hawh ci nei; Ani naw a ga gui hnung’tuk püi ne, a huham m’dang ci nei. Achang gui Am hteihtang vai ah Shaitak ci.

HAKKAI 2:9

Taigüim akthai cu ayan ak phyim ah ta ng’shü khang pi khai, acun ungka chang gui am bühmang nak la dimdeeih nak cu ka pe gui khai.” M’gäi ciah Bawipa naw pyen ci.