ISAIAH 9:5 - Cho Bible Common Language 2016

⁵ Tu law gui ciah gakap gui ah phahnak gui la si kawp ciah suisak gui avan cu mei awn m’khih vai.

ISAIAH 9:5 Referans Kwoze

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

NAHUM 3:2

Ngai ä! htung awn thah a k’aw, Ng’hle ping ah ng’kyeet k’aw gui, Ng’se gui ah yon phäi gui, yatha gui ah dawng ah k’aw gui,

JOEL 2:5

Ngami cu khomhtung lai ung ng’pet u ne, ng’se yatha ah mäih ah känggäng ci gui; khu chawng mei ah uih ah mäih ah ng’ging ci gui, Ngami cu ng’tuk bi ge khai ah gakap ah mäih ah ng’kyäng ci gui.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

LAMKTU 2:19

Ak khan ah om ciah khankho ah, cäi aih gui vai kam dang khai, ak ka ah om ciah m’dek khan ah, ngaih khit gui vai kam dang khai. Si ng’hlui ng’huk khai, mei m’lei taut neh, mei khu thet khai.

ISAIAH 4:4

A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

1 SAMUEL 14:19

Saul naw taigüpa ang thu püi yah ung, Philistin phung ung ami püipiang thüng kyüng tä law pi k’täi ci, Saul naw ani am, “Bawipa ng’shi ng’täh nak vai akhin kä om ci nei!” cik ci.

TAIGÜTHUM 3:16

Bawipa naw a yeikyai nak ah ei-douthak ah shin gui avan cu sonkiang ung taigüpa naw am khih vai. Athau avan cu Bawipa naw khäm ci.

TAIGÜTHUM 3:11

Shin gui avan cu Bawipa am ei-douthak ah sonkiang ah khan ah taigü bawi naw am khih vai.

LAMKTU 2:3

Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci.

JEREMIAH 47:3

Ngami naw ng’se gui ah kho ng’leh ng’yak khai gui, yatha gui ah ng’kyeet, piing gui ah ng’phiui ng’yak khai gui. Nupa gui naw ami hta hmaw gui cu ng’hlat ne kä teng ba khai gui; Ami kut gui cu ng’gung ne ng’bat khai.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 13:4

M’htung khan ah k’aw cu ngai vä akdäm ah ng’bum ciah chang gui ah k’aw nei. Gamang Bawipa naw a gakap gui cu g’tuk bi vai ah pawng püi ci nei.

SAM 72:3

Kho lei avan cu khawh mah sä; ng’düng nak awn pui m’ca sä.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

PHYAWN NAK 23:21

A pyen ah nami om vai, a ng’thu nami ngaih vai, kä nami hnungtuk püi vai, kei naw ka tüih law ah kyak ci, cun ah hnungtuk püi ci gui cu ani naw kä m’hlawt gui khai.

SUKI GUI 13:18

Khanchang naw, “A i ah kyasei, kei ah ming na hmat hlü ang? Cun cu cäicat vai ah ming ah kyak ci nei” cik ci.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

ZEKHARIAH 6:13

Ani cu Taigüim co ne, ghangpughang ah m’taam nak gah ne, ak chang gui cu uk gui khai. Taigü cu amang kiang pei ah ng’düi khai, ngani cu dimdeeih kyäp nep nak awn atäng ah bik khai goi.’