ISAIAH 9:3 - Cho Bible Common Language 2016

³ Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

ISAIAH 9:3 Referans Kwoze

SAM 119:162

Na shaitak ah hmawk ah ka yei aih ci, cun cu mangnak vai khawh ng’peeih hmuk ciah yei ah mäih ah kyak ci.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

ISAIAH 26:15

Bawipa, nang naw kami pakhui cu na ng’ghaw sak ci nei, van ah khawpäng cu akit päng ung na ng’shawng sak ci nei, acun cu nang ning m’tam nak vai ah kyak ci nei.

ISAIAH 66:10

Jerusalem ung lünlawi vä; ani ah hmawk ah yeikyai vä, cun ah mang gaw m’hni ci gui nami van! Ani ah hmawk ah thüi sei ci gui nami van, Tuhbäi ani awn yeikyai vä!

ISAIAH 65:18

Kei naw ka tüisho ah mawng ung angtäi sei yeikyai vä. Kei naw ka tüisho ah Jerusalem k’thai cu zeikiak nak awn be khai, ani ah chang gui cu yei kiai khai gui.

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

1 SAMUEL 30:16

Ani naw David cu ngami ah hteh püi ci. Ng’tuk bik ciah chang gui cu pawi bi u ne, ei ne, aw ne, ami hmun ung püi pyang ne om ci gui, a i ah kyasei ci ung Philistin la Judah ung tu ne ami gah ah dämduh aih ciah khawh chang ah phäh ah kyak ci.

LUKA 11:22

Cun ung phi ani ah mä k’thagui däm tu ba ciah chang law ne ani cu am khüt näng ah a kyak ung ani ah ngaih u ah likhim gui phi gut yawp ne akhawh cham gui phi gut yawp ne, amät ah chang gui am k’pai gui khai.

SAM 4:7

Cun ung phi nang naw na na pek ah yei nak cu, Ngami ung htang m’guh la sapyit tui da sei, avan ami yei ah mä bä pi ci nei.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

ZEKHARIAH 10:8

“Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

HOSEA 4:7

“Nangmi taigü gui da law pi u ne, kei na kat na ne hnungtuk ci da law pi ci.

JEREMIAH 31:7

Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 61:7

Nami ng’a ca nak la nami thuihmai nak cu ng’pyi pyi ci nei. Nangmi cu nami mät ah kho ung nami om khai, Nami khawh cu a goi ah däm khai; Nami yei nak cu kä ng’pyi hlawt khai.

ISAIAH 55:12

“Nangmi naw Babilon cu yeikyai ne nami hteh tak khai; Nangmi dimdeeih nak awn mang gaw ah k’pung ah nami lut lawk khai nei. Khomhtung gui la khogui gui naw m’lau ne ng’äi m’cu khai gui. Sing ghing gui cu yei ne m’lau khai gui nei.

ISAIAH 54:1

Jerusalem, nang cu a hta kä om ciah hnumi ah mäih ah na kya te ci, cun ung phi tuhbäi ng’äi m’cu ne, yei ne na m’lau hning ci. Tuhbäi nang cu, a cei naw kä a hteh tak phung ah hnumi ah ta da pi ciah htanau na gah khai nei!

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

SAM 107:38

Ani naw a chang gui cu m’shum phyuk gui sei akda ah hta nau ci gui; ami sei mak gui kä ken nin law vai ah cik ci.

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.

SUKI GUI 5:3

Ghangpughang gui ngai vä! Uktu gui geing na vä! Kei naw Israel Khanpughi, Bawipa am ka ng’äi khai nei, ka tum khai nei.

LAMKTU 8:8

Cun ah kyasei cun ah gawnu ung om ciah chang ami van cu yei kiai ci gui.

JOB 12:23

Ani naw changpakhui gui cu khüighat sak ne dämduh sak ci, cun ung phi cun kawn ah ani naw hniim hgui ne m’di gui ci.

ISAIAH 65:14

Ngami naw yei ne ng’äi m’cu khai gui, cun ung phi nangmi nami m’lung thüi sei nami kyap khai.

TAIGÜTHUM 26:13

Kei, Bawipa nami Khanpughi naw, Egypt khaw ungka ka ning law püi ba gui ci, cun ah kyasei nangmi cu changshäm ah kä nami kya ba khai. Kei naw ning yung kyak sak ciah huham cu ka cheiuh pyi ci, kei naw nami lu häng khai ah ka ning hteh sak gui khai.

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

SUKI GUI 8:12

Midianit ghangpughang goi Zebah la Zalmunna cu dawng ci goi, cun ung phi Kideon naw gawt goi ne pha goi ci, ami gakap avan püipiang sak gui yawp ci.

ISAIAH 10:26

Kei, m’gäi ciah Bawipa naw, Oreb Lungnu ung Midian gui ka m’ghuih gui ah mäih ah kei naw ka htung awn ka m’ghuih gui khai, Kei naw Egypt ka m’kyuk ah mäih ah Assiria cu ka m’kyuk khai.

ISAIAH 14:5

Akshe ah uk ci gui ah huham cu Bawipa naw ng’pyi sak pyi ci nei,