ISAIAH 9:21 - Cho Bible Common Language 2016

²¹ Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:21 Referans Kwoze

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

MATTHE 24:10

Cun ah khin ung chang gui cu ami yum nak nawng u ne, tumat la tumat ng’cha tuk khai gui, ng’gen tuk khai gui nei.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

ISAIAH 11:13

Israel uknak khaw cu Judah khaw ah khan ah vamneng nak kä om ba khai, Judah cu Israel ah ga ah kä kya ba khai.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

2 GHANGPUGHANG GUI 15:30

Judah ghangpughang Uzziah ah hta Jotham naw a uknak akum m’ku nak ung Elah ah hta Hoshea naw ghangpughang Pekah cu hnungtuk püi ne ngawn neta ghangpughang ah kya lawk ci.

1 SAMUEL 14:20

Cun kawn ah ani la akchang gui cu Philistin gui tuk gui vai ah ng’güüt ne lawk ci gui, ngami cu ami mät ng’tu u ne, ng’tawh pah ci gui.

SUKI GUI 7:2

Bawipa naw Kideon am, “Midianit gui ah khan ah kei naw näng nak ka pek gui vai ah kei ah phäh ah nang ah na chang gui cu da aih ci gui. Ngami naw ami mät näng hning ci gui ah ngai khai gui, kei ah bä nak cu kä hmat khai gui.

ISAIAH 8:21

Chang gui cu khaw ung ami m’lung thüi sei, ei cawi u ne ng’vaak khai gui. Ei ami cawi nak la ami m’lung ah shet nak awn, ami ghangpughang la ami khanpughi cu plah taam khai gui. Ngami naw khawmik cu k’dang khai guk.

JEREMIAH 13:14

Kei naw ngami a hmaw ang vai, hlüng gui ng’khawng ne ami pazat ah mäih ah ka ci gui khai. A i chi hna nak m’gein sei chimgein nak naw phi ngami ka ngawn nak gui cu kä m’düm sak hlawt khai.”

ZEKHARIAH 11:14

Cun kawn ah Judah la Israel ah kawng ät nak, ka plawh nak ah ak hnih nak ah, “Kawng ät nak ah” ng’shopawng cu ka cheiuh ci.