ISAIAH 9:2 - Cho Bible Common Language 2016

² Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

ISAIAH 9:2 Referans Kwoze

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

JOHAN 12:46

Kei cu m’dek khan ung akdei ah kya ne ka lawk ci, kei na yum ci cu kho hmüp khui ung kä om ba khai.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

SAM 107:10

Am shah cu mü, hmüp khui ah om u ne, gui awn khit ne, thawng ung yaica ci gui,

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

SAM 107:14

Ani naw amü, a hmüp nak ungka k’plawk ba gui ne, ami khih nak gui cu ci pit yawp ci.

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

ISAIAH 9:1

Ngami ah hmawk ah shin ah yaica nak ah khin ami phyawn nak vai ah lam kä om khai. Zebulun la Naphtali pakhui ah khaw cu ayanä kä bä man te ci, cun ung phi ngawi ah shin ah khaw ng’lei ung m’tam khah nak gawk lawk khai: Mediteranean ung ka naw akyang täng khaw Jordan ah vangga la kalile khaw amät. Khawhei chang gui ah om nak ah kyak ci.

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

JOB 10:21

Kei cu shäng shäng khätah hmup ne am tham nak ah khaw, mü ah mäih ah a hmüp nak khaw, sih nak ah khaw la a i kä ng’khailang nak ah khaw, ak khang tu phi ak hmüp ah a kyak nak khaw ah ceit law ne, a ngoi ah phi kä ka law ba khai.

SUKI GUI 5:30

“Ngami naw ami khäm vai la ami ng’pai gui vai ah khawh cu shui ci gui nei, gakap päng ah chei awn piam ah äh awi ah kyak khai nei” cik ci gui.

SAM 4:8

Kei cu ka ng’zän law ung, ding gei sei ka ip ci; O Bawipa nang bäng naw, kümbe ciah phyawn nak, na na pek ci nei.