ISAIAH 9:18 - Cho Bible Common Language 2016

¹⁸ Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

ISAIAH 9:18 Referans Kwoze

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

SAM 83:14

Bung hmu mei naw a uih ah mäih ah, mei m’lei naw a tung ah khomhtung ah mäih ah

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

THU PHLAAN 14:11

Cun ah meidäi ungka meikhu cu angtäi ah khu ne kai khai nei. Khiküi la a gup khawihnah ne ani ah ming awn m’hnüt nak gah ciah chang gui cu, amü ak hnüüp dinggei nak kä om khai nei” cine m’lau ci.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

AMOS 7:4

Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

JOEL 2:20

Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.

HOSEA 13:3

Cun ah chang gui cu khongawi ah khüi toi ah mäih ah, khongawi hta ung maih ciah k’daam tui ah mäih ah maih khai gui nei. Ngami cu htang m’hai hmun ung khokhi naw ayon ah htang shi ah mäih, meikhu m’kawt ung meikhu ah mäih ah kyak khai gui nei.

ISAIAH 33:12

Nangmi cu lung m’khih ung thung ah a kyak ah mäih ah, ng’hling m’khih ung m’vutah a kyak ah mäih ah nami khui khai nei.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

SAM 37:20

Cun ung phi changshe gui cu sih yawp khai gui; Bawipa ah a gaa gui cu chei ah maih ah thum ne, mei khu ah mäih ah maih khai gui.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

SAM 68:2

Meikhu cu khu ne a zon mäih ah ani naw k’täm gui ci. Mei ah pei ah khoichap tui ne alon ah mäih ah changshe gui cu Khanpughi ah ma ah di ci gui.

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

JOEL 2:3

Ngami naw a ghing gui cu mei ah mäih ah ei ci gui. Ami ma ah kho hmun cu Eden dum ah mäih ah kyak ci. Cun ung phi ami hnu lam cu khaw ng’gau ah kyak ci. A i phi ngami naw kä phyawn ci gui.

OBADIAH 1:18

Jakob la Joseph ah chang gui cu mei ah mäih ah kya u ne, Esau ah chang gui cu mei ah uih ah mäih ah m’di khai gui. Esau ah hta ng’shon a u kä pawih khai. Kei, Bawipa naw ka pyen nei.

1 GHANGPUGHANG GUI 16:21

Israel chang gui cu ng’pai ci gui, amshah naw Kinath ah hta Tibni cu ghangpughang ah kyak sak hlük ci, amshah Omri cu ng’ya hlük ci.

ISAIAH 3:5

Chang päng naw chang nü ah khan ah ei hlü mang phya khai. Hmaw chang gui naw ami ng’vaihta gui kä chang m’sui khai gui, kä chang man gui naw chang man gui cu kä chang m’sui khai gui.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”