ISAIAH 9:17 - Cho Bible Common Language 2016

¹⁷ Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 9:17 Referans Kwoze

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

SAM 147:10

Ani ah lünlawi nak cu gai ciah ng’se ah kä kyak ci, m’gäi ciah gakap ah kä kyak ci;

MATTHE 16:3

Kho ngawi hta ung hni law lam ah meile a tawt ung kho aa khai ci ne phi bäi, nami pyein man ci. Nangmi cu khomik teng ne kho akhi aa vai cu hmat lang u ne, tuhbäi chü akhin ah a mawng cu m’khoicha ne kä nami hmat ci ma?

ZEKHARIAH 9:17

Cun ah khaw cu a i hlawk ah ni ne kyom khai aw! Chang nong gui cu cun ah khaw ungka htang m’guh la sapyit tui awn däm ng’ghaw khai gui.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

EZEKIEL 20:33

Kei, uktu Bawipa, Ghing ciah Khanpughi akcang, kei naw ka ning k’bäi ci, kei ah ka m’lungshe nak awn, ka kut ak ghat awn, ka huham avan awn kei naw nang cu ka ning uk khai.

JEREMIAH 5:1

Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.

ISAIAH 65:19

Kei ka mät phi Jerusalem la ak chang gui ah phäh ah yeikyai nak awn ka be khai nei. A cun ung kyah nak kä om khai, M’htei vai ah ng’hui nak kä am khai.

ISAIAH 62:5

Ng’piangmi hta naw ng’lami hta ak chu vai a lak ah mäih ah nangmi ning pyang gui ci naw ning puikhah püi gui khai. Chumah khai naw ak chu vai cu a yumhni ah mäih ah Nami khanpughi naw nangmi cu ning yumhni gui ci.

ISAIAH 13:18

Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

ISAIAH 10:2

Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

JOB 15:34

Khanpughi kaa ah om ciah chang cu a hta ng’shon kä om khai nei. Ng’mü khawh awn cawh ah im cu mei naw ui khai nei.

SAM 109:12

Ani cu a u naw phi kä m’gein en sä, a hnu ah a nawng ah hmei hta gui phi a u naw kä m’htei en sä.

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

ISAIAH 14:20

A i ah kyasei ci ung nang naw na khaw m’di ne, namätah chang na ngawn ci, nang cu a hei ghangpughang gui ah mäih ah kä ning phuh vai. Na kyong chang she gui tumat phi kä k’pawih khai.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

ISAIAH 31:2

Ani naw a i abi cu hmat ci! Ani naw leigai tüi lawk ci. Ani naw changshekha gui la ami shungvong ah chang gui m’kyuk nak gui vai ah, ang huut taap nak law püi ci.

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

ISAIAH 40:30

Hmaw chang gui phi ami k’tha ken thei ci; chang nong gui phi tha maih sei kyu ng’täk thei ci gui.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

AMOS 8:13

Cun ah hnüüp ung gaigawng ciah changnong hnumi pami gui phi tui ah gha ne yai khai gui.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

ISAIAH 33:11

Nangmi naw akholä vai cu nami pawngpüi ci, nami bi phung cu akholä ah kyak ci. Kei ah ka mümcha cu mei ah mäih ah kya ne ning m’di gui khai.

ISAIAH 33:12

Nangmi cu lung m’khih ung thung ah a kyak ah mäih ah, ng’hling m’khih ung m’vutah a kyak ah mäih ah nami khui khai nei.