ISAIAH 9:15 - Cho Bible Common Language 2016

¹⁵ A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

ISAIAH 9:15 Referans Kwoze

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

1 SAMUEL 9:6

Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

MALAKHI 2:9

Nangmi naw ka ng’yak hlü kä nami läk ci, ka chang gui nami m’thei ung phi, chang päng ah ng’yak hlü ah kä nami m’thei ciah kyasei, kei naw, Israel chang gui naw ami ning päipih gui vai ah ka bik khai.

HOSEA 9:8

Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.

JEREMIAH 23:9

Ka m’lung cu ng’deeng ci, kei cu ka ng’thüng ci nei. Bawipa ah a phäh ah, ang thu theing gui ah phäh ah, sapyit tui akda aw aih ne, awktat ciah chang ah mäih ah ka kyak ci nei.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 28:17

Taga nak cu angnei nütak-gui ah kyak ci, düng nak cu a cun khinnak-gui ah kyak ci.” Gäinu naw nami düihnak ah hleei hlak nak cu avan hteh yawp khai, tui k’law naw nami ng’shungshet nak cu m’di yawp khai.

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

ISAIAH 3:5

Chang päng naw chang nü ah khan ah ei hlü mang phya khai. Hmaw chang gui naw ami ng’vaihta gui kä chang m’sui khai gui, kä chang man gui naw chang man gui cu kä chang m’sui khai gui.

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

JOB 22:8

Nang naw na huham la na hlüngtai nak mang ne kho avan na lak ci.

ISAIAH 19:15

Egypt khaw ung bühmang ci, dukhaih ci küi kyang ci, kä ming thang ci, a u naw phi a khaw kä m’hteihtang hlaw t ci nei.

ISAIAH 23:9

M’gäi ciah Bawipa naw a pawng püi nei. Shin ah a pawng püi cu ami bi lawh ah khan ah chang ah ami ng’shei nak aung pyi nak vai la a mi m’tamkhah ah chang gui yuk buh nak vai ah kyak ci nei.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

ISAIAH 28:15

Nangmi cu sihnak awn ng’thu nami k’bäi ciah pyen ne, sihnak ah khaw awn nami yum ät ciah pyen ne, nami khähghah ci nei. Nangmi naw leigai a gawk law ung ning hlawi gui khai ah nami ngai ci, a i ah kyasei ci ung, nangmi cu nami hleei hlak lima nak awn phiawn vai ah nami ngai ci.

ISAIAH 43:27

Nami pupa htük gui cu hma kak ci gui; Nami ng’vahta gui naw kei na hnung’tuk püi ne hmak ak ci gui,

ISAIAH 59:3

Nangmi cu nami hleei hlak nak, nami kiawi pang nak, nami ngawn pha nak awn nami cheishoh ciah kyak ci.

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

ISAIAH 3:12

Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.