ISAIAH 9:14 - Cho Bible Common Language 2016

¹⁴ Hnüüp ät bang ung Israel gui ah ami ng’vai gui la ami chang gui cu Bawipa naw m’kyuk gui khai. Ani ami lu la ami ng’mei cu m’chün gui khai.

ISAIAH 9:14 Referans Kwoze

THU PHLAAN 18:8

Acun gui ah phäh ah leigaai gui, gawpai nak gui, thüisei nak gui, cawigha nak gui cu ani ah khan ah hnüüp ät ge awn gawk lawk khai nei. A i ah kyasei ci ung, ani m’khoichak ciah Bawipa Khanpughi cu, m’hlüngtai pi bäih ah hmawk ah kyak ci,” ci ne pyein ci.

ISAIAH 19:15

Egypt khaw ung bühmang ci, dukhaih ci küi kyang ci, kä ming thang ci, a u naw phi a khaw kä m’hteihtang hlaw t ci nei.

THU PHLAAN 18:17

A khawh chaam avan cu nayi ät ah kyong ung dishum yawp ci nei” ci ne kyap ne m’lau khai gui nei. Hteinpaw keptain gui la hteinpaw ung ng’cum tuk ci gui, hteinpaw ung bi bik ci gui la sumlei ci gui cu a sho nak ah ng’düi u ne;

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

AMOS 6:11

Bawipa naw ng’thu a pyen law ung im kawm, im yaw ng’phye ne maih khai.

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

HOSEA 13:3

Cun ah chang gui cu khongawi ah khüi toi ah mäih ah, khongawi hta ung maih ciah k’daam tui ah mäih ah maih khai gui nei. Ngami cu htang m’hai hmun ung khokhi naw ayon ah htang shi ah mäih, meikhu m’kawt ung meikhu ah mäih ah kyak khai gui nei.

HOSEA 10:15

Cun cu nangmi ah khan ah gawk lawk khai, Bethela chang gui, a i ah kyasei ci ung, kyihkyawk vai ah akshe nami bi ah phäh ah kyak ci. Ng’tuk nak ami leng law vai am, Israel ghangpughang cu sik khai.”

HOSEA 8:8

Israel cun phi ahei pakhui awn täng ci. K’am payak ciah mäih ah akholä awn täng ci.

HOSEA 4:5

A mü a hnüüp nami cheishoh ci, prophet gui phi a cun ah kyak ci gui, Kei naw ami nu Israel cu ka m’di lawk khai nei.

HOSEA 1:9

Bawipa naw Hosea pyen nak ci, “Aming cu kei ah kä chang — ciah sui ä, a i ah kyasei ci ung Israel chang gui cu kei ah kä chang gui, kei cu ngami ah kä Khanpughi nei” cik ci.

HOSEA 1:6

Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.

HOSEA 1:4

Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.

ISAIAH 30:13

Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

ISAIAH 10:17

Khanpughi, Israel gui ah akdei cu mei ah kya lawk khai nei. Israel gui ah theingcim ciah Khanpughi cu mei m’lei ah kya lawk khai nei. A cun naw hnüüp ät bäng ung ng’hlingcam la hling gui mah mah ah apäng cu ui yawp khai.

JEREMIAH 6:21

Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

NG’ÄI KYAH 4:16

Bawipa naw ngami cu kä ng’gui so püi ba gui ci. Amät naw püipiang sak gui ci. Taigü gui la ami ng’vai gui awn ng’shünpha nak a i phi kä m’dang ci.