ISAIAH 8:9 - Cho Bible Common Language 2016

⁹ Nangmi chang pakhui gui, kyi kyawk ne ng’bum law vä! Asho nak ah khaw ung ka gui, ngai vä. Ng’tuk ge vai ah om vä, cun ung phi nami kyih vai nei! Ä, ng’tuk ge vai ah om vä, cun ung phi nami kyih vai nei!

ISAIAH 8:9 Referans Kwoze

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

1 GHANGPUGHANG GUI 20:11

Ghangpughang Ahab naw, “Ghangpughang Benhadad am m’thein ba vä, gakap akcang cu ng’tuk abi kawn ah khähghah man ci, kä ng’tuk pha ung kä khähghah man ci nei.”

ISAIAH 54:15

Chang tumat mat naw a ning tuk law ah a kyak ung, kei ah yum nak awn kä kyak ciah a bi ah kyak ci; Ning hnungtuk pui ne ning tuk püi ci phung cu shung khai nei.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

JEREMIAH 42:11

Babilonia ghangpughang cu kä kyih ba vä, kei naw ka ning om püi gui ci nei, ani ah huham ung kei naw ka ning gung gui khai nei.

JEREMIAH 51:20

Bawipa naw pyen ci, Babilonia, nang cu kei ah ng’ki, ka ng’tuk nak likhim ah na kyak ci. Kei naw nang cu pakhui gui la uk nak khaw gui tei nak vai ah ka ning mang ci.

EZEKIEL 38:7

M’thein ä, ng’tuk ge vai ah om sä, agakap gui avan ang thumkhän ung om ge u sä.

JOSHUA 11:5

Ghangpughang gui ami van ng’dawn u ne, a täng ah law u ne, Merom tuihta ung phung tu u ne, Israel gui tuk gui vai ah pawng ci gui.

JEREMIAH 46:3

“Egypt bawi gui m’lau ci gui, Nami shawi gui m’hnüt ge vä ng’tuk nak ah law ge vä!

JEREMIAH 46:4

Nami ng’se gui, a gui m’hnüt ne täu sak gui vä! ng’täu ne ng’düi ne, nami lukhu ng’büng vä! nami k’htei gui k’tah ne, nami shawiphaw gui k’bah vä!

EZEKIEL 38:8

Khokum akda alüng kawn kei naw ani cu thukbäi ne khopäng tumat ka tuk sak khai. Acun ung changpakhui akda ungka chang gui cu atäng ah law püi ba gui ung, ngami cu ng’tuk kä kyih ne acun ung om ci gui. Ani naw ak shounu shiu ne bung ci, cungphi chang gui ami van phyawng ne ami om nak ah Israel khomhtung gui cu ani naw tuk khai.